“அவர்தான் திருடினார்…” 55 வயது முதியவருக்கு நேர்ந்த பயங்கரம்.. சட்டத்தைக் கையில் எடுத்த வன்முறைக் கும்பல்.. பதறவைக்கும் வைரல் வீடியோ..!!

உத்தரப் பிரதேச மாநிலம் பிலிபித் நகரில் உள்ள பஷீர் கான் மொஹல்லா பகுதியில், மொபைல் போன் திருடியதாகக் கூறி 55 வயது மதிக்கத்தக்க நபர் ஒருவரை அப்பகுதி மக்கள் மின் கம்பத்தில் கட்டி வைத்து கொடூரமாகத் தாக்கியுள்ளனர். திருட்டு சந்தேகத்தின் பேரில் அந்த நபரைக் கையும் களவுமாகப் பிடித்ததாகக் கூறும் அந்த வன்முறைக் கும்பல், சட்டத்தைக் கையில் எடுத்துக்கொண்டு அவரைத் தாக்கியதாகக் குற்றம் சாட்டப்பட்டுள்ளது. இந்த மனிதாபிமானமற்ற கொடூரச் சம்பவத்தின் வீடியோ காட்சிகள் சமூக ஊடகங்களில் வெளியாகி வேகமாக வைரலாகின.

இந்த வைரல் வீடியோவை ஆதாரமாகக் கொண்டு, பிலிபித் காவல்துறையினர் உடனடியாக சம்பவ இடத்திற்கு விரைந்து சென்று மின் கம்பத்தில் கட்டப்பட்டிருந்த அந்த நபரை மீட்டனர். இச்சம்பவம் குறித்து வழக்குப் பதிவு செய்துள்ள போலீசார், சமூக ஊடகங்களில் பரவி வரும் வீடியோ காட்சிகளின் அடிப்படையில் தாக்குதலில் ஈடுபட்ட நபர்களை அடையாளம் காணும் பணியில் தீவிரமாக ஈடுபட்டுள்ளனர். சட்டத்தை மீறி தாக்குதல் நடத்தியவர்கள் மீது கடுமையான சட்ட நடவடிக்கை எடுக்கப்படும் என்று காவல்துறை தரப்பில் தெரிவிக்கப்பட்டுள்ளது.