“அடப்பாவி வங்கி லாக்கருக்கே ‘ஸ்கெட்ச்’..!” 60 பேரின் நகைகளை அள்ளிட்டு பேப்பரை வச்ச கில்லாடி திருடன்.. வெளியானது பகீர் சிசிடிவி காட்சி..!!

ஆந்திர மாநிலம் திருப்பதி ஊரகப் பகுதியான அவிலாலா கிளையிலுள்ள ஆந்திரா கிராமீன வங்கியில், காகிதங்களை வாடிக்கையாளர்களின் தங்க நகை பைகளில் திணித்து வைத்துவிட்டு, சுமார் 60 கணக்குகளுக்குரிய நிஜத் தங்க நகைகளைத் திருடிச் சென்ற நூதனத் திருடனின் சிசிடிவி காட்சிகள் வெளியாகி பெரும் பரபரப்பை ஏற்படுத்தியுள்ளன. வங்கியின் ஊழியர் போலவோ அல்லது நெருக்கமான வாடிக்கையாளர் போலவோ நயவஞ்சகமாகச் செயல்பட்ட அந்த நபர், நகைப் பைகளைத் திறந்து அதிலிருந்த பல கோடி மதிப்புள்ள தங்க நகைகளைத் திருடியுள்ளார். வங்கி அதிகாரிகள் மற்றும் தணிக்கையாளர்கள் நகைகளைப் பரிசோதிக்கும்போது சந்தேகம் வராமல் இருப்பதற்காக, நகைகளின் எடைக்கு நிகராகப் பேப்பர்களைச் சுருட்டி அந்தப் பைகளுக்குள் திணித்து வைத்துவிட்டுச் சென்றுள்ளார்.

வங்கியில் வழக்கமாக நடத்தப்படும் தணிக்கையின் போதுதான், 60 வாடிக்கையாளர்களின் நகைப் பைகளுக்குள் தங்கம் இல்லாமல் வெறும் காகிதங்கள் மட்டுமே அடைக்கப்பட்டிருந்த அதிர்ச்சி தரும் உண்மை வெளிச்சத்திற்கு வந்தது. இதனையடுத்து வங்கியின் பாதுகாப்பு கேமரா காட்சிகளை அதிகாரிகள் ஆய்வு செய்தபோது, அந்த மர்ம நபர் நகைகளை மாற்றிவிட்டு பேப்பர்களைத் திணிக்கும் நூதனத் திருட்டு முறையைக் கச்சிதமாக அரங்கேற்றியது கண்டுபிடிக்கப்பட்டது. இச்சம்பவம் குறித்துத் திருப்பதி ஊரகப் போலீசார் வழக்குப் பதிவு செய்து, வங்கி லாக்கர் வரை சென்று நகைகளைத் திருட உதவிய உள்ளூர் ஆட்கள் யாரேனும் இருக்கிறார்களா என்ற கோணத்திலும், சிசிடிவி காட்சிகளின் அடிப்படையிலும் தீவிர விசாரணை நடத்தி வருகின்றனர்.