திடீர் திருப்பம்.! திமுக கூட்டணியை விட்டு வெளியேற சொன்னதே ஸ்டாலின் தான்… திருமா போட்ட குண்டால் அதிரும் அரசியல் களம்..!!

மதுராந்தகம் சட்டமன்றத் தொகுதி இடைத்தேர்தல் பரப்புரைப் பொதுக்கூட்டத்தில் பேசிய விடுதலைச் சிறுத்தைகள் கட்சி (விசிக) தலைவர் தொல். திருமாவளவன், 2016ஆம் ஆண்டு தேர்தலில் திமுக கூட்டணியில் இருந்து தங்களின் கட்சி வெளியேறியதற்கான உண்மையான காரணத்தை விளக்கியுள்ளார். 2011 மற்றும் 2014ஆம் ஆண்டு தேர்தல்களில் தாம் திமுகவுடன் இணைந்து செயல்பட்டதை அவர் சுட்டிக்காட்டியுள்ளார்.

2016 சட்டமன்றத் தேர்தலின் போது விசிக கூட்டணியை விட்டு விலகியதற்குத் தங்கள் தரப்பு காரணம் அல்ல என்று அவர் திட்டவட்டமாகக் குறிப்பிட்டுள்ளார். அப்போது திமுக 180 முதல் 200 தொகுதிகளில் தனித்துப் போட்டியிடத் திட்டமிட்டிருந்ததாகக் கூறினார்.

அதன் காரணமாக, அன்றைய காலகட்டத்தில் திமுக பொருளாளராகவும் முன்னணித் தலைவராகவும் இருந்த மு.க.ஸ்டாலின் அவர்களே நேரடியாகத் தங்களை இந்தத் தேர்தல் கூட்டணியில் தொடர வேண்டாம் என்று கேட்டுக்கொண்டதாகவும், அவரது அந்த வேண்டுகோளின் படியே தாங்கள் கூட்டணியை விட்டு வெளியேறியதாகவும் திருமாவளவன் அந்தப் பரப்புரையில் பகிரங்கமாகத் தெரிவித்துள்ளார்.