“வழிபாட்டுத் தலத்தில் இப்படியா..?” மசூதிக்குள் கணவர் செய்த காரியம்.. இணையத்தைக் கீறிப் பார்க்கும் புதிய சர்ச்சை..!!

மெக்கா நகரில் உள்ள புனிதத் தலமான காபாவின் பின்னணியில், கர்ப்பிணியாக இருக்கும் தனது மனைவியின் வயிற்றுப் பகுதியில் கணவர் ஒருவர் முத்தமிடும் புகைப்படம் இணையத்தில் வெளியாகி பெரும் சர்ச்சையையும் விவாதத்தையும் கிளப்பியுள்ளது. இஸ்லாமியர்களின் மிக முக்கிய வழிபாட்டுத் தலமான மக்கா மசூதி வளாகத்திற்குள் இந்தச் சம்பவம் நடந்துள்ள நிலையில், பொதுவெளியில் தம்பதியரின் இந்தச் செயல் வழிபாட்டுத் தலத்தின் புனிதத்திற்கு உகந்ததுதானா என்ற கேள்வியைச் சமூக வலைத்தளங்களில் பலர் எழுப்பி வருகின்றனர்.

இந்தப் புகைப்படத்திற்கு ஆதரவாகவும் எதிராகவும் இணையவாசிகள் தங்களது கருத்துகளைத் தெரிவித்து வருகின்றனர். விமர்சகர்கள் பலர், வழிபாட்டிற்குரிய ஒரு மிக உன்னதமான புனிதப் பூமியில் இத்தகைய அந்தரங்கமான சைகைகள் மற்றும் தனிப்பட்ட உணர்வுகளைக் காட்டுவது முறையற்றது என்று சாடி வருகின்றனர். அதே வேளையில், தம்பதியரின் இந்தச் செயல் ஒரு தூய்மையான அன்பின் வெளிப்பாடு என்றும், புதிய உயிர் பிறக்கப் போவதைக் கடவுளின் இல்லத்தில் கொண்டாடும் ஒரு நெகிழ்ச்சியான தருணம் என்றும் கூறி மற்றொரு தரப்பினர் இதற்கு ஆதரவு தெரிவித்து வருகின்றனர்.