CRIME
“அய்யோ கொடுமையே..! ஒரே நொடியில் உடைந்த பெற்றோர் கனவு.. 22 வயது பெண் மருத்துவருக்கு நேர்ந்த சோகம்… கதறும் குடும்பம்..” பதறவைக்கும் பின்னணி..!!
கேரள மாநிலம் கோட்டயம் கடுத்துருத்தியைச் சேர்ந்த பெற்றோருக்கு ஒரே மகளான 22 வயதான மரு. வந்தனா தாஸ், தனது எம்.பி.பி.எஸ் படிப்பின் இறுதிக்கட்டமாக கொட்டாரக்கரை தாலுகா மருத்துவமனையில் பயிற்சி மருத்துவராகப் பணியாற்றி வந்தார். கடந்த 2023-ஆம் ஆண்டு மே 10-ஆம் தேதி அதிகாலையில், காலில் காயத்துடன் வீட்டில் தகராறு செய்த சந்தீப் (42) என்ற பள்ளி ஆசிரியரை காவல்துறையினர் சிகிச்சைக்காக இம்மருத்துவமனைக்கு அழைத்து வந்தனர்.
மருத்துவமனையின் அவசர சிகிச்சைப் பிரிவில் அவருக்கு சிகிச்சை அளிக்க முயன்றபோது, அவர் திடீரென ஆக்ரோஷமடைந்து அங்கிருந்த அறுவை சிகிச்சை கத்திரிக்கோலை எடுத்து முதலில் காவல்துறையினரைத் தாக்கினார். தொடர்ந்து, அங்கு கடமையில் இருந்த இளம் மருத்துவர் வந்தனா தாஸை நோக்கிப் பாய்ந்து, அவரது தலை, கழுத்து மற்றும் முதுகுப் பகுதிகளில் கத்திரிக்கோலால் அடுத்தடுத்து கொடூரமாகக் குத்தினார். இத்தாக்குதலைத் தடுக்க முயன்ற காவல்துறை அதிகாரிகளும் காயமடைந்தனர்; இறுதியாக ஆம்புலன்ஸ் ஓட்டுநர் மற்றும் பாதுகாப்பு ஊழியர்கள் இணைந்து தாக்குதல் நடத்தியவரை மடக்கிப் பிடித்தனர்.
படுகாயமடைந்த வந்தனா தாஸ் உடனடியாக திருவனந்தபுரத்தில் உள்ள தனியார் மருத்துவமனைக்குக் கொண்டு செல்லப்பட்ட போதிலும், சிகிச்சை பலனின்றி பரிதாபமாக உயிரிழந்தார். இச்சம்பவம் குறித்து வழக்கை விசாரித்த கேரள உயர்நீதிமன்றம், இந்த உயிரிழப்பு ஒரு தனிப்பட்ட சம்பவமல்ல, மாறாக அமைப்பின் தோல்வியே இதற்குக் காரணம் எனக் கடும் கண்டனம் தெரிவித்தது. இக்கொடூர சம்பவத்தைக் கண்டித்து கேரளா முழுவதும் மருத்துவர்கள் போராட்டத்தில் ஈடுபட்டதைத் தொடர்ந்து, சுகாதாரப் பணியாளர்களைப் பாதுகாக்கும் சட்டத்தில் கடும் திருத்தங்களைக் கொண்டுவர கேரள அரசு நடவடிக்கை எடுத்தது.
