“அட பாவமே.. என்ன தைரியம் இருந்தா இத பண்ணுவான்..?” ஓடும் ஆட்டோவில் பெண்ணுக்கு நடந்த திக் திக் சம்பவம்… சிசிடிவியில் சிக்கிய கொடூரம்..!!

ஹரியானா மாநிலம் குருகிராம் நகரின் பரபரப்பான இப்ஃபோ சௌக் மெட்ரோ ரயில் நிலையத்திற்கு அருகில், பொதுமக்கள் அனைவரையும் உரைய வைக்கும் வகையிலான ஒரு கொடூரமான மொபைல் போன் பறிப்புச் சம்பவம் அரங்கேறியுள்ளது. சாலைகளில் வாகனப் போக்குவரத்து நெரிசல் மிகுந்து காணப்பட்ட வேளையில், ஆட்டோ ஒன்றில் பயணித்துக் கொண்டிருந்த பெண்ணைக் குறிவைத்த மர்ம பைக்கர் ஒருவர், ஓடும் ஆட்டோவிலிருந்தபடியே அந்தப் பெண்ணின் கையில் இருந்த மொபைல் போனை மிக லாவகமாகப் பறித்துக் கொண்டு தப்பியோடியுள்ளார். இந்த அதிர்ச்சியூட்டும் திருட்டுச் சம்பவம் ஒட்டுமொத்த நகர மக்களிடையேயும், குறிப்பாகப் பெண் பயணிகளிடையேயும் பெரும் பீதியையும் அதிர்வலைகளையும் கிளப்பியுள்ளது.

சம்பவம் நடந்த இடத்தில் பின்னால் வந்த கார் ஒன்றின் டேஷ்கேமிராவில் இந்த முழு கொடூரக் காட்சியும் மிகத் தெளிவாகப் பதிவாகியுள்ளது. அந்த வீடியோ பதிவின்படி, ஆட்டோ ஒன்று சாலையில் மெதுவாகச் சென்று கொண்டிருக்கும் போது, அதன் அருகே பைக் ஒன்றில் வந்த ஆசாமி ஒரு கையில் பைக்கின் ஹேண்டிலைப் பிடித்தபடியே, மறு கையால் ஆட்டோவிற்குள் இருந்த பெண்ணின் மொபைல் போனை நொடிப்பொழுதில் பறித்துக் கொண்டு மின்னல் வேகத்தில் மறைந்து சென்றுள்ளார். மேலும் என்ன நடக்கிறது என்பதை அந்தப் பெண் உணர்வதற்குள்ளாகவும், அருகில் இருந்த மற்ற வாகன ஓட்டிகள் அவனைப் பிடிப்பதற்குள்ளாகவும் அந்த நபர் அங்கிருந்து தப்பித்துச் சென்றுவிட்டான்.

இணையத்தில் வெளியாகித் தீயாய் பரவி வரும் இந்த வைரல் வீடியோ, குருகிராமில் பெண்களின் பாதுகாப்பு மற்றும் சாலைக் குற்றங்கள் குறித்த பல கடுமையான கேள்விகளை எழுப்பியுள்ளது. இவ்வளவு பரபரப்பான பிரதான சாலையில், துணிச்சலாகக் குற்றச் செயல்களில் ஈடுபடும் அளவிற்கு சமூக விரோதிகளின் தைரியம் அதிகரித்திருப்பது காவல்துறைக்கு மிகப்பெரிய சவாலாக மாறியுள்ளது. இச்சம்பவம் குறித்து வழக்குப் பதிவு செய்துள்ள காவல்துறையினர், டேஷ்கேமிரா வீடியோவின் ஆதாரங்களை வைத்துத் தப்பியோடிய குற்றவாளியைத் தீவிரமாகத் தேடி வருகின்றனர். இந்நிலையில் ஓடும் வாகனங்களில் பயணிக்கும் போது பொதுமக்கள் தங்களது உடைமைகள் மற்றும் மொபைல் போன்களை எவ்வளவு கவனமாக வைத்திருக்க வேண்டும் என்பதை இந்தச் சம்பவம் எச்சரிக்கையாக உணர்த்துகிறது.