அடச்சே.. இவனெல்லாம் ஒரு அப்பனா..? சொத்தில் பங்கு கொடுக்கக் கூடாது என்பதற்காக 7 வயது மகனைக் கொ**ற கொடூரம்… சிசிடிவி கேமராவால் வெளிவந்த திடுக்கிடும் உண்மை..!!

மகாராஷ்டிராவின் லாத்துர் மாவட்டத்தில் மனிதநேயத்தை உலுக்கும் ஒரு கொடூர சம்பவம் நிகழ்ந்துள்ளது. யூசுப் முபாரக் சையத் (58) என்ற தந்தை, தனது ஏழு வயதுடைய மகன் அஸ்மானை சொத்து விவகாரம் காரணமாகக் கொன்றதாகக் தீவிரமான குற்றச்சாட்டு எழுந்துள்ளது. தன் சொந்த மகனுக்குப் பரம்பரை சொத்தில் பங்கு கொடுக்கக் கூடாது என்ற பேராசையின் காரணமாக, அந்தத் தந்தை தனது கைப்படவே தனது மகனின் உயிரைப் பறித்துள்ளதாகப் போலீசாரின் விசாரணையில் தெரியவந்துள்ளது.

இந்தச் கொலையைத் தொடர்ந்து, குற்றம் சாட்டப்பட்ட தந்தை மகனின் உயிரை மாய்த்தபின் எவ்வித தடயமும் இருக்கக்கூடாது என்பதற்காகச் சடலத்தை அருகிலுள்ள வயல்வெளி ஓடையில் வீசிவிட்டதாகக் கூறப்படுகிறது. இந்தச் சம்பவத்தைக் கேள்விப்பட்ட அப்பகுதி மக்கள் அதிர்ச்சியும் சோகமும் அடைந்துள்ளனர். ஒரு தந்தையின் அரவணைப்பில் வளர வேண்டிய பிஞ்சு குழந்தை, அதே தந்தையாலேயே கொல்லப்பட்ட விதம் அனைவரையும் கண்ணீரில் ஆழ்த்தியுள்ளது.

சம்பவத்தையடுத்து தீவிர விசாரணையைத் தொடங்கிய காவல்துறையினர், அப்பகுதியில் உள்ள CCTV கேமரா பதிவுகளை ஆய்வு செய்தனர். அந்தப் பதிவுகளின் அடிப்படையிலும், பல துப்பு துலக்குதல்களின் மூலமாகவும் சந்தேகத்தின் பேரில் தந்தை யூசுப் முபாரக் சையத்தை போலீசார் காவலில் எடுத்து விசாரித்து கைது செய்துள்ளனர். சொத்துத் தகராறு மற்றும் பேராசை எந்த அளவுக்கு விபரீத முடிவுக்குக் கொண்டு செல்லும் என்பதை உணர்த்தும் இச்சம்பவம் குறித்து போலீசார் தற்போது தொடர் சட்ட நடவடிக்கைகளை மேற்கொண்டு வருகின்றனர்.