“சேலை அணிவித்து போதை மருந்து கொடுத்து…” சிறைக்குள் 20 வயது வாலிபரை 3 முறை பாலியல் வன்கொடுமை செய்த காம கொடூரர்கள்.. கதி கலங்க வைக்கும் பின்னணி..!!

ஜார்க்கண்ட் மாநிலம் ராஞ்சியில் உள்ள ஹோட்வார் பிர்சா முண்டா மத்திய சிறையில், 20 வயது விசாரணைக் கைதி ஒருவர் சக கைதிகளால் கூட்டுப் பாலியல் வன்கொடுமைக்கு உள்ளாக்கப்பட்ட கொடூரச் சம்பவம் பெரும் பரபரப்பை ஏற்படுத்தியுள்ளது. கடந்த ஜூன் 12, 2026 அன்று நீதிமன்றத்தால் விடுவிக்கப்பட்ட அந்த இளைஞர், சிறையிலிருந்து வெளியே வந்த பிறகு கடுமையான மன உளைச்சலுக்கும் மனச்சோர்வுக்கும் ஆளாகியிருந்தார். தற்போது அவரது மனநிலை சற்று இயல்பு நிலைக்குத் திரும்பியதைத் தொடர்ந்து, சிறைக்குள் தனக்கு நேர்ந்த கொடுமைகளைத் தனது குடும்பத்தினரிடம் கண்ணீருடன் விவரித்துள்ளார்.

பாதிக்கப்பட்ட இளைஞரின் வாக்குமூலத்தின்படி, சிறையில் இருந்தபோது சிவராத்திரி, ராமநவமி மற்றும் சருல் ஆகிய மூன்று பண்டிகை நாட்களில், சக கைதிகள் அவருக்கு வலுக்கட்டாயமாகப் பெண் போல சேலை அணிவித்து, போதை மருந்து கொடுத்து மூன்று முறை கூட்டுப் பாலியல் வன்கொடுமை செய்துள்ளனர். இந்தத் தாக்குதலால் படுகாயமடைந்து அதிக இரத்தப்போக்கு ஏற்பட்ட நிலையிலும், வார்டு பொறுப்பாளரிடம் புகார் அளித்தபோது சிறை நிர்வாகம் அவருக்கு எந்தவொரு மருத்துவ சிகிச்சையோ அல்லது பாதுகாப்போ அளிக்கவில்லை எனக் குற்றம் சாட்டப்பட்டுள்ளது.

இதனையடுத்து, பாதிக்கப்பட்ட இளைஞரின் தந்தை ராஞ்சியில் உள்ள கேலகான் காவல் நிலையத்தில் அளித்த எழுத்துப்பூர்வ புகாரின் அடிப்படையில், சிறைக் கண்காணிப்பாளர், வார்டு பொறுப்பாளர், மருத்துவ அதிகாரி மற்றும் பத்துக்கும் மேற்பட்ட கைதிகள் உட்பட 19 பேர் மீது முதல் தகவல் அறிக்கை பதிவு செய்யப்பட்டுள்ளது. ஏற்கனவே சிறைக்குள் கைதிகள் நடனமாடும் வீடியோ வெளியாகி சர்ச்சையில் சிக்கியிருந்த ஹோட்வார் சிறையில் தற்போது நிகழ்ந்துள்ள இந்தப் பகீர் சம்பவம் குறித்து காவல்துறையினர் தீவிர விசாரணை நடத்தி வருகின்றனர்.