உச்சகட்ட பதற்றம்.. எல்லை தாண்டி ஊடுருவிய மர்ம நபர்… மடக்கிப் பிடித்துச் சோதனையிட்ட அசாம் ரைபிள்ஸ் படைக்குக் காத்திருந்த பேரதிர்ச்சி..!!

மணிப்பூர் மாநிலத்தின் தெங்னௌபால் மாவட்டத்தில் உள்ள இந்தியா – மியான்மர் சர்வதேச எல்லையருகே, பயங்கர ஆயுதங்கள் மற்றும் வெடிபொருட்களுடன் மியான்மர் நாட்டைச் சேர்ந்த நபர் ஒருவர் கைது செய்யப்பட்டுள்ளார். எல்லையோரப் பகுதிகளில் பாதுகாப்புப் படையினர் தீவிர ரோந்து மற்றும் கண்காணிப்புப் பணியில் ஈடுபட்டிருந்தபோது, சந்தேகத்திற்கிடமான முறையில் நடமாடிய அந்த நபரை அசாம் ரைபிள்ஸ் படையினர் மடக்கிப் பிடித்தனர். எல்லை தாண்டி சட்டவிரோதமாக ஊடுருவி ஆயுதக் கடத்தலில் ஈடுபட்டாரா என்ற கோணத்தில் பாதுகாப்புப் படையினர் உடனடியாகச் சோதனை மேற்கொண்டனர்.

இந்தச் சோதனையின் போது, கைது செய்யப்பட்ட நபரிடமிருந்து 3 ஏகே-47 ரகத் துப்பாக்கிகள் மற்றும் 172 தோட்டாக்கள் பறிமுதல் செய்யப்பட்டுள்ளன. பறிமுதல் செய்யப்பட்ட ஆயுதங்கள் மற்றும் வெடிபொருட்களுடன் அந்த மியான்மர் நாட்டவரை அசாம் ரைபிள்ஸ் படையினர் மேல் விசாரணைக்காகக் காவல்துறையிடம் ஒப்படைத்துள்ளனர். மணிப்பூரில் தொடர்ந்து பதற்றமான சூழல் நிலவி வரும் நிலையில், எல்லையோரப் பகுதியில் அதிநவீனத் துப்பாக்கிகளுடன் வெளிநாட்டு நபர் ஒருவர் பிடிபட்டிருப்பது பாதுகாப்பு வட்டாரத்தில் பெரும் பரபரப்பை ஏற்படுத்தியுள்ளது.