CINEMA
விஜய் ஆண்டனி செருப்பு அணியாமல் இருப்பதற்கு இதுதான் காரணம்… அரங்கையே கண்கலங்க வைத்த மனைவி பாத்திமாவின் உருக்கமான பேச்சு..!!
நடிகர் மற்றும் இசையமைப்பாளர் விஜய் ஆண்டனி காலணிகள் (செருப்பு) அணியாமல் இருப்பதற்கான உருக்கமான காரணத்தை அவரது மனைவி பாத்திமா விஜய் ஆண்டனி பகிர்ந்துள்ளார். ‘அப்பா குட்டி’ திரைப்பட விழாவில் கலந்துகொண்டு பேசியபோது அவர் இந்தத் தகவலைத் தெரிவித்துள்ளார்.
தங்களின் மூத்த மகள் மீரா உயிரிழப்பதற்கு முன்பு, அவர் கல்லூரிக்குச் செல்வதற்காக 50-க்கும் மேற்பட்ட ஷூக்களை வாங்கி வைத்திருந்ததாக பாத்திமா குறிப்பிட்டுள்ளார். ஆனால், அந்த ஷூக்களை அணியாமலேயே மகள் மீரா பிரிந்து சென்றுவிட்டதால், அவற்றைப் பார்த்த வேதனையில் இனிமேல் தானும் செருப்பு அணியப் போவதில்லை என விஜய் ஆண்டனி முடிவெடுத்ததாக அவர் உருக்கமாகக் கூறியுள்ளார்.
மேலும், மகள் மீரா கடைசியாக அணிந்திருந்த கைக்கடிகாரத்தை (வாட்ச்) மட்டுமே விஜய் ஆண்டனி தற்போது வரை தனது மகளின் நினைவாகப் பயன்படுத்தி வருவதாகவும் பாத்திமா விஜய் ஆண்டனி அந்த விழாவில் நெகிழ்ச்சியுடன் தெரிவித்துள்ளார்.
