“சவப்பெட்டிக்குள் இருந்து கேட்ட முனகல் சத்தம்”.. இறந்து உயிர்த்தெழுந்த 70 வயது மூதாட்டி – அடுத்த 2 நாட்களில் நேர்ந்த சோகம்..!!

சீனாவின் ஹெபெய் மாகாணத்தில் உள்ள ஒரு கிராமத்தில், உயிரிழந்துவிட்டதாகக் கருதி சவப்பெட்டியில் வைக்கப்பட்ட 70 வயது மூதாட்டி ஒருவர், மீண்டும் விழித்தெழுந்த விசித்திரமான சம்பவம் அரங்கேறியுள்ளது. மூளை ரத்த உறைவு மற்றும் புற்றுநோயால் நீண்டகாலமாக பாதிக்கப்பட்டு வந்த அந்த மூதாட்டியின் உடலியக்கங்கள் முற்றிலும் நின்றதாகக் கருதி, செப்டம்பர் 8-ஆம் தேதி அவர் இறந்துவிட்டதாகக் குடும்பத்தினர் முடிவு செய்துள்ளனர்.

உறவினர்கள் இறுதி அஞ்சலி செலுத்த வசதியாக குளிரூட்டப்பட்ட சவப்பெட்டியில் வைக்கப்பட்ட மூதாட்டி, அடுத்த நாள் மாலை முனகல் சத்தம் மூலம் உயிருடன் இருப்பது தெரியவந்தது. எனினும், செப்டம்பர் 11 அன்று கண்கள் திறந்த அவர் பேசவோ உணவு உண்ணவோ முடியாத நிலையில் இருந்து அன்றைய இரவே மீண்டும் உயிரிழந்தார்.

மருத்துவ நிபுணர்கள் “போலி இறப்பு” என்று விவரிக்கும் இத்தகைய அரிதான நிலையில் இதயத் துடிப்பு மிகக் குறைவாகும் என்பதால், கிராமப்புறங்களில் முறையான மருத்துவ பரிசோதனை இன்றி இறப்பை உறுதி செய்வதைத் தவிர்க்க வேண்டும் என விவாதங்கள் எழுந்துள்ளன.