வெறும் 6 ஈரோதானேன்னு வந்தோம்… ஏசி பெட் செம கிளாஸ்…! ஆனா டாய்லெட்ட பார்த்ததும் ஷாக் ஆயிட்டோம்..!” தாஜ்மஹால் பயணத்தில் வைரலாகும் வெளிநாட்டு தம்பதியின் வீடியோ..!!

வெளிநாட்டினர் முதல்முறையாக இந்திய ரயில்களில் பயணம் செய்யும்போது எப்படி உணர்வார்கள் என்று நீங்கள் எப்போதாவது யோசித்ததுண்டா? டச்சு-மோல்டோவன் பயணத் தம்பதியரான நிக்கோ மற்றும் அவரது துணைவர் வெஸ் ஆகியோர் டெல்லியிலிருந்து ஆக்ராவிற்குச் சென்ற காணொளி ஒன்று சமூக வலைதளங்களில் காட்டுத்தீ போல பரவி வருகிறது. தாஜ்மஹாலைப் பார்ப்பதற்காக, இவர்கள் வெறும் 6 யூரோக்கள் செலவில் இரண்டு மணி நேரப் பயணத்திற்கு 2AC ரயில் பெட்டியைத் தேர்ந்தெடுத்தனர். தொடக்கத்தில் ரயிலையும் இருக்கையையும் கண்டுபிடிப்பதில் சற்று சிரமம் இருந்தபோதிலும், உள்ளே நுழைந்ததும் வசதியான படுக்கைகள், தனியுரிமைக்கான திரைச்சீலைகள், சிறந்த குளிரூட்டும் வசதி மற்றும் கண்ணாடி ஆகியவற்றைக் கண்டு வியப்படைந்தனர். ஒரு மோசமான அனுபவத்தை எதிர்பார்த்த அவர்களுக்கு, இந்த குறைந்த கட்டணப் பயணம் ஒரு சிறந்த தேர்வாக அமைந்தது.

இருப்பினும், ரயிலின் கழிப்பறை வசதி அவர்களுக்குப் பெரும் அதிர்ச்சியையும் பீதியையும் அளித்தது. கழிப்பறைகள் மிகவும் அசுத்தமாக இருந்ததாக நிக்கோ விவரித்ததுடன், இந்தப் பயணம் இரண்டு மணி நேரம் மட்டுமே நீடித்தது நல்லவேளை என்றும், இல்லையெனில் இவ்வளவு அசுத்தமான கழிப்பறைகளுடன் நீண்ட தூரம் பயணிப்பது சாத்தியமற்றது என்றும் குறிப்பிட்டார். மேலும், பாதுகாப்பைக் கருதி ரயிலில் விற்பனையாளர்களிடம் உணவு வாங்குவதையும் அவர்கள் தவிர்த்துவிட்டனர்.

https://www.instagram.com/reel/DcobONhKyvz/?utm_source=ig_web_button_share_sheet

பயணத்தின் முடிவில் ஆக்ரா ரயில் நிலையத்தை அடைந்தபோதுதான் அவர்களுக்கு உண்மையான பரபரப்பும் பயமும் தொற்றிக்கொண்டது. அங்கு காணப்பட்ட பெரும் கூட்டத்தையும் குழப்பத்தையும் பார்த்துப் பயந்த நிக்கோ, “அவர்கள் என்னை ஆக்ராவிலிருந்து வெளியே தூக்கிவிடுவார்கள்” என்று வேடிக்கையாகப் பகிர்ந்துகொண்டார். @boutique.diaries என்ற இன்ஸ்டாகிராம் பக்கத்தில் பகிரப்பட்ட இந்த 43 வினாடி காணொளி, இணையவாசிகளின் பலவிதமான கருத்துகளோடு தற்போது வைரலாகி வருகிறது.