“இவனை உடனே ஜெயில்ல போடுங்க..!” பிஞ்சு குழந்தைகளின் உயிரோடு விளையாடும் போலி சாமியார்.. வீடியோவை பார்த்து கொந்தளித்த நெட்டிசன்கள்..!!

பீகார் மாநிலம் சீதாமர்ஹி மாவட்டத்தின் பரிஹார் பகுதியில், போலி சாமியார் ஒருவர் நோயைக் குணப்படுத்துவதாகக் கூறி பிஞ்சு குழந்தைகளை ஆபத்தான முறையில் வளைத்துச் சித்திரவதை செய்யும் நெஞ்சைப் பதறவைக்கும் வீடியோ காட்சி சமூக வலைத்தளங்களில் வெளியாகி பெரும் அதிர்ச்சியை ஏற்படுத்தியுள்ளது. அந்த வீடியோவில், போலி சாமியார் கையாண்ட மனிதாபிமானமற்ற சிகிச்சை முறையானது, அந்தக் குழந்தைகளின் கழுத்தையோ அல்லது உடலின் வேறு எந்தப் பாகத்தையோ எளிதில் உடைத்து நிரந்தர ஊனத்தை ஏற்படுத்தக்கூடிய வகையில் மிகவும் கொடூரமாக அமைந்துள்ளது. அப்பாவிப் பெற்றோர்களின் மூடநம்பிக்கையைப் பயன்படுத்தி, குழந்தைகளின் உயிரோடு விளையாடும் இந்த விபரீதக் கூத்து பார்ப்பவர்களைக் கொதித்தெழ வைத்துள்ளது.

இந்த மனிதாபிமானமற்ற வன்கொடுமைச் சம்பவம் தற்பொழுது இணையதளத்தில் காட்டுத்தீயாய் பரவி வரும் நிலையில், “இந்தக் கொடூரமான மனிதனை உடனடியாகக் காவல்துறையிடம் ஒப்படைத்துச் சிறையில் அடைக்க வேண்டும்” என நெட்டிசன்கள் தங்களது கடுமையான கண்டனங்களைப் பதிவு செய்து வருகின்றனர். இந்த விவகாரத்தை பீகார் மாநிலக் காவல் துறை மற்றும் மாவட்ட நிர்வாகம் உடனடியாகத் தன் கவனத்தில் கொண்டு, குழந்தைகளின் பாதுகாப்பை உறுதி செய்ய வேண்டும் என்றும், அந்தப் போலி சாமியார் மீது கடுமையான பிரிவுகளின் கீழ் வழக்குப் பதிவு செய்து அதிரடி நடவடிக்கை எடுக்க வேண்டும் என்றும் சமூக ஆர்வலர்கள் கோரிக்கை விடுத்து வருகின்றனர்.