“பார்த்தாலே உடம்பு நடுங்கும்..!” 6 வயது சிறுமியை ஒரே பாய்ச்சலில் கவ்விச் சென்ற கொடூர சிறுத்தை.. நெஞ்சை பதறவைக்கும் சிசிடிவி காட்சி..!!

குஜராத் மாநிலம் ஜூனாகத் மாவட்டத்தில் உள்ள தெட்கியால் கிராமத்தில், புதன்கிழமை இரவு 6 வயது சிறுமியைச் சிறுத்தை ஒன்று கொடூரமாகத் தாக்கித் தூக்கிச் சென்ற சோகச் சம்பவம் அப்பகுதியில் பெரும் பீதியை ஏற்படுத்தியுள்ளது. பிரீஷா சோலங்கி என்ற அந்தச் சிறுமி, தனது குடும்பத்தினருடன் ஒரு விவசாயப் பண்ணையில் இருந்தபோது புதர் மறைவில் இருந்து பாய்ந்த சிறுத்தை அவளைக் கவ்வி இழுத்துச் சென்றுள்ளது. பண்ணைக்கு அருகிலேயே அச்சிறுமியின் சடலம் பின்னர் கண்டெடுக்கப்பட்டது. இந்த நெஞ்சை பதறவைக்கும் ஒட்டுமொத்தக் கொடூரச் சம்பவமும் அங்கிருந்த சிசிடிவி கேமராவில் பதிவாகியுள்ளது.

இச்சம்பவத்தைத் தொடர்ந்து, சிறுமியின் உடலை மீட்ட வனத்துறையினர் பிரேதப் பரிசோதனைக்கு அனுப்பி வைத்தனர். மேலும், அந்தப் பகுதியில் மனிதர்களை அச்சுறுத்தி வரும் அந்தச் சிறுத்தையை உயிரோடு பிடிப்பதற்காக வனத்துறையினர் சிறப்புப் படைகளை அமைத்து, கிராமத்தைச் சுற்றி எட்டு இடங்களில் கூண்டுகளை வைத்துள்ளனர். வனத்துறையினரின் இந்த அதிரடி நடவடிக்கையை அடுத்து, அப்பகுதி பொதுமக்கள் தங்களது குழந்தைகளைப் பாதுகாப்பாக வீட்டிற்குள் வைக்குமாறு எச்சரிக்கப்பட்டுள்ளனர்.