பனானா மில்க் ஷேக் குடிப்பவரா நீங்கள்….? பாலுடன் கலந்து சாப்பிடவே கூடாத 8 உணவுகளின் அதிர்ச்சிப் பட்டியல்…. இதை கண்டிப்பா தெரிஞ்சி வச்சிக்கோங்க…!!

கால்சியம் மற்றும் புரதச்சத்துக்கள் நிறைந்த பால் உடலுக்கு ஆரோக்கியம் என்றாலும், குறிப்பிட்ட சில உணவுகளுடன் அதனைச் சேர்த்து உட்கொள்வது செரிமான மண்டலத்தைக் கடுமையாகப் பாதிக்கும் என்று மருத்துவ வல்லுநர்கள் எச்சரிக்கின்றனர். பொதுவாகப் பலரும் விரும்பி அருந்தும் பனானா மில்க் ஷேக், செரிமான வேகத்தை மாற்றி வயிற்று உபாதைகளை உண்டாக்கக் கூடும் என்பதால் பாலுடன் வாழைப்பழத்தைச் சேர்ப்பதைத் தவிர்க்க வேண்டும்.

இதேபோல், ஜீரணமாக அதிக நேரம் எடுத்துக்கொள்ளும் முட்டை, இறைச்சி போன்ற புரத உணவுகள், காரமான தின்பண்டங்கள் மற்றும் உப்பு நிறைந்த சிப்ஸ் வகைகளை பாலுடன் சேர்த்துச் சாப்பிடும்போது இரைப்பை அழற்சி மற்றும் குடல் சார்ந்த பிணிகள் ஏற்படுகின்றன.

மேலும், புளி மற்றும் வினிகர் கலந்த ஊறுகாய், தயிர் போன்ற புளிப்புச் சுவையுடைய பொருட்களும், ஆரஞ்சு மற்றும் எலுமிச்சை போன்ற சிட்ரஸ் பழங்களும் பாலின் தன்மையைக் கெடுத்து நெஞ்செரிச்சல் மற்றும் வயிற்று உப்புசத்தை உருவாக்குகின்றன. மிக மோசமான உணவுச் சேர்க்கையாகக் கருதப்படும் மீனையும் பாலுடன் சேர்த்துச் சாப்பிடக் கூடாது; அது உடலில் நச்சுத்தன்மையை ஏற்படுத்தித் தோல் நோய்களுக்கு வழிவகுக்கும்.

அதேபோல், எளிதில் செரிமானமாகும் தர்பூசணியைப் பாலுடன் கலக்கும்போது ஜீரணச் செயல்பாடு முற்றிலும் மந்தமாகிறது. எனவே, வாயுத் தொல்லை, அஜீரணம் மற்றும் லாக்டோஸ் சகிப்புத்தன்மையின்மை போன்ற பாதிப்புகள் வராமல் தடுக்க, பால் அருந்துவதற்கும் இத்தகைய உணவுகளுக்கும் இடையே குறைந்தது இரண்டு மணி நேர இடைவெளி இருக்க வேண்டும் என்று ஆரோக்கிய நிபுணர்கள் தெளிவுபடுத்துகின்றனர்.