“₹5 கோடி பேரம் பேசினது யார்..?!” அமைச்சர் ராஜ்மோகனுக்குத் திரும்பிய விபரீதம்.. கோட்டையை உலுக்கும் புதிய லஞ்ச ஊழல் சர்ச்சை…!!

அமைச்சர் ராஜ்மோகன் அண்மையில் பேசிய பேச்சு, தற்போது அவருக்கே பெரும் அரசியல் நெருக்கடியையும் தலைவலியையும் ஏற்படுத்தியுள்ளது. தமிழ்நாடு இயல், இசை, நாடக மன்றத்தின் தலைவர் பதவிக்காக, லயோலா மணி என்பவர் மூலமாகத் தன்னிடம் சுமார் 5 கோடி ரூபாய் வரை பேரம் பேசப்பட்டதாக அமைச்சர் பகிரங்கமாகக் குற்றம் சாட்டியிருந்தார். அமைச்சரின் இந்த அதிரடிப் பேச்சு அரசியல் வட்டாரத்தில் பெரும் விவாதத்தைக் கிளப்பியிருந்த நிலையில், தற்பொழுது இந்த விவகாரம் அமைச்சருக்கு எதிரான ஆயுதமாக மாறியுள்ளது.

அமைச்சரின் இந்த குற்றச்சாட்டு மிகத் தீவிரமானது என்பதால், லஞ்சம் கொடுக்க முயன்ற அந்த நபர் யார் என்பதை அமைச்சர் உடனடியாகப் பொதுவெளியில் பகிரங்கமாக வெளியிட வேண்டும் என்ற கோரிக்கைகள் வலுத்து வருகின்றன. மேலும், அவ்வாறு கோடி கணக்கில் பணம் கொடுக்க முன்வந்த நபர் மீது லஞ்ச ஒழிப்புத் துறையின் கீழ் முறையான ஊழல் வழக்குத் தொடரப்பட வேண்டும் என்றும், தவறும் பட்சத்தில் அமைச்சர் மீதே நடவடிக்கை எடுக்க வேண்டும் என்றும் எதிர்க்கட்சியினரும் சமூக ஆர்வலர்களும் வலியுறுத்தி வருவதால் அப்பகுதியில் பெரும் பரபரப்பு ஏற்பட்டுள்ளது.