“என்னை ப்ரோ-ஸோன் ஆக்கிட்டாங்க..!” விமானத்தில் பயணிக்கு ராக்கி கட்டிய ஏர் ஹோஸ்டஸ்… பின்னணியில் அசந்து தூங்கிய நபரைப் பார்த்து வயிறு குலுங்கச் சிரிக்கும் நெட்டிசன்கள்..! இணையத்தைக் கலக்கும் வைரல் வீடியோ..!!

சகோதர-சகோதரிகளுக்கு இடையேயான அன்பைக் கொண்டாடும் ரக்ஷா பந்தன் பண்டிகை இந்த முறை நடுவானிலும் மிகவும் வினோதமான முறையில் கொண்டாடப்பட்டது. ஏர் இந்தியா விமானம் ஒன்றில் பயணித்த ஆண் பயணி ஒருவருக்கு, விமானத்தில் இருந்த பெண் கேபின் குரூ ஊழியர் ராக்கி கட்டிய வீடியோ ஒன்று தற்போது சமூக வலைதளங்களில் பெரும் வைரலாகி வருகிறது. சுதான்ஷு கெளசிக் என்ற பயணி இந்த அழகான தருணத்தைத் தனது கேமராவில் பதிவு செய்து இன்ஸ்டாகிராமில் பகிர்ந்துள்ளார்.

அந்த வைரல் வீடியோவில், முகுந்த் என்ற பெயர் கொண்ட கேபின் குரூ ஊழியர் பயணி சுதான்ஷுவின் கையில் ராக்கி கட்டுவதும், மற்றொரு பெண் ஊழியர் அந்த மறக்க முடியாத தருணத்தைத் தனது மொபைல் போனில் வீடியோ எடுப்பதும் தெளிவாகத் தெரிகிறது. விமானத்திற்குள் எதிர்பாராமல் நடந்த இந்தச் சிறியக் கொண்டாட்டம் அங்கிருந்த சூழலை உடனடியாக மகிழ்ச்சியாக மாற்றியது. இந்த வீடியோவைப் பகிர்ந்த அந்தப் பயணி, “விமானத்தில் இருந்த ஏர் ஹோஸ்டஸ்கள் அனைவரும் என்னை ‘ப்ரோ-ஸோன்’ ஆக்கிவிட்டனர்” என்று நகைச்சுவையாகக் குறிப்பிட்டுள்ளார்.

https://www.instagram.com/reel/DcjNajHzdQ6/?utm_source=ig_web_button_share_sheet

சமூக வலைதளங்களில் இந்த வீடியோ வெளியான உடனேயே, பயனர்கள் பலரும் தங்களின் வேடிக்கையான கருத்துக்களைத் தெரிவிக்கத் தொடங்கினர். பயனர் ஒருவர், “ராக்கி கட்டிய பிறகு அந்தப் பயணி ஏதேனும் அன்பளிப்பு கொடுத்திருப்பார் என்று நம்புகிறேன்” எனப் பதிவிட்டுள்ளார். மேலும் சிலரின் கவனம் பின் இருக்கையில் ஆழ்ந்த உறக்கத்தில் இருந்த மற்றொரு பயனர் பக்கம் திரும்பியது; அதைக் கண்ட மற்றொரு பயனர், “இப்படிப்பட்ட சூழ்நிலையில் கண்ணை மூடிக்கொண்டு தூங்குவதுதான் மிகவும் பாதுகாப்பானது எனப் பின்னால் இருக்கும் பயணி நினைக்கிறார் போலிருக்கிறது” என்று கிண்டலாகக் கருத்து தெரிவித்துள்ளார்.