என்னது..! வெறும் 10 ரூபாய்க்கு இவ்வளவு பெரிய விருந்தா… ஹோட்டல் சாப்பாடே தோத்துடும்..! இணையத்தை அசத்தும் செக்யூரிட்டி கார்டின் லஞ்ச் வீடியோ..!!

இன்றைய காலக்கட்டத்தில் ஒருவேளை உணவிற்கே நூற்றுக்கணக்கான ரூபாய்களைச் செலவிட வேண்டியிருக்கும் நிலையில், ஒரு செக்யூரிட்டி கார்டின் வீடியோ சமூக வலைத்தளங்களில் பெரும் கவனத்தைப் பெற்றுள்ளது. ஆனந்த் குமார் என்ற அந்தச் செக்யூரிட்டி கார்டு, தான் பணிபுரியும் நிறுவனத்தில் தனக்கு வெறும் 10 ரூபாய்க்கு வழங்கப்படும் லஞ்ச் தட்டை வீடியோவில் காட்டியுள்ளார். இந்த உணவைப் பார்த்த மக்கள், பெரிய உணவகங்களின் சாப்பாடு கூட இதற்கு ஈடாகாது என்று வியந்து பாராட்டி வருகின்றனர்.

அந்த வீடியோவில், ஆனந்த் குமார் மிகவும் எளிமையுடன் தனது டிபன் பாக்ஸைத் திறந்து அதில் உள்ள உணவுகளைக் காட்டுகிறார். அதில் மொறுமொறுப்பான பாப்பட், பாகற்காய் பொரியல், சுவையான சோயாபீன் குழம்பு, தாராளமான சாதம், பருப்பு மற்றும் வெங்காயத் துண்டு ஆகியவை இடம் பெற்றுள்ளன. இவ்வளவு அதிகமான வகைகளுடன் கூடிய சத்தான உணவு வெறும் 10 ரூபாய்க்கு எப்படி சாத்தியம் என்று பலரும் ஆச்சரியமடைந்துள்ளனர்.

பணவீக்கம் அதிகரித்து வரும் இந்தக் காலத்தில், வீட்டுச் சாப்பாடு போன்ற சத்தான உணவு இவ்வளவு குறைந்த விலையில் கிடைப்பது ஒரு அற்புதம்தான் என்று மக்கள் கருத்து தெரிவித்து வருகின்றனர். மேலும், தனது ஊழியர்களை இவ்வளவு சிறப்பாகப் பார்த்துக்கொள்ளும் அந்த நிறுவனத்தின் கனிவையும் நெட்டிசன்கள் பாராட்டி வருகின்றனர். “கடவுள் இப்படிப்பட்ட நிறுவனத்தை அனைவருக்கும் தர வேண்டும்” என்று பயனர்கள் இன்ஸ்டாகிராமில் கருத்துகளைப் பதிவிட்டு, இந்த வீடியோவைப் பெருமளவில் பகிர்ந்து வருகின்றனர்.