“இதெல்லாம் தேவையா… லைக்ஸ் வாங்கப்போய் உயிரோடு விளையாடிய இளைஞர்… சோஷியல் மீடியா டிரெண்டிங்கிற்காக ஸ்டண்ட்… நீச்சல் குள விளிம்பில் மோதி எலும்புகள் முறிவு..! நெஞ்சை பதறவைக்கும் வீடியோ..!!”

சமூக வலைத்தளங்களில் சில லைக்குகள் மற்றும் வியூஸ்களுக்காகத் தனது வாழ்க்கையோடு விளையாடிய இளைஞரின் அதிர்ச்சிகரமான வீடியோ ஒன்று இணையத்தில் வைரலாகி வருகிறது. இந்த வீடியோவில், இளைஞர் ஒருவர் நீச்சல் குளத்தில் உயரத்திலிருந்து குதித்து ஆபத்தான ஸ்டண்ட் செய்ய முயல்கிறார். எளிதாக நீருக்குள் குதித்துவிடலாம் என்று அவர் நினைத்திருக்கலாம், ஆனால் சில வினாடிகளிலேயே அந்த முயற்சி ஒரு கொடூரமான விபத்தாக மாறியது.

வீடியோவில், அந்த இளைஞர் முதலாவது மாடியில் உள்ள ஒரு பால்கனி சுவரில் இருந்து நீச்சல் குளத்தை நோக்கி குதிக்கத் தயாராகிறார். அப்போது அவரது நண்பர்கள் சுற்றிலும் நின்று கொண்டு இந்த சம்பவத்தை கேமராவில் பதிவு செய்கிறார்கள். ஒரு விறுவிறுப்பான வீடியோவை உருவாக்கி சமூக வலைத்தளங்களில் பதிவேற்றுவதே இந்த ஸ்டண்ட்டின் நோக்கமாக இருந்துள்ளது. ஆனால், அவர் குதித்த நொடியில் அவரது நேரம் மற்றும் தூரக் கணிப்பு தவறாகப்போய், நீருக்குள் விழுவதற்கு முன்பே அவரது உடல் நீச்சல் குளத்தின் சிமெண்ட் விளிம்பில் மிகக் கொடூரமாக மோதியது.

https://www.instagram.com/reel/DbOrFUNoP5h/?utm_source=ig_web_button_share_sheet

இந்த பயங்கர மோதலினால் அங்கு நின்றிருந்த நண்பர்கள் அலறிடித்து பதற்றமடைந்தனர். மோதிய பிறகு அந்த இளைஞர் நீருக்குள் விழுந்தாலும், அவருக்குக் கடுமையான காயங்கள் ஏற்பட்டன. தகவல்களின்படி, இந்த விபத்தில் அவரது எலும்புகள் மற்றும் விலா எலும்புகளில் முறிவு ஏற்பட்டுள்ளது. இன்ஸ்டாகிராமில் ‘infolesma’ என்ற கணக்கின் மூலம் பகிரப்பட்ட இந்த வீடியோ தற்போது வைரலாகி வரும் நிலையில், சரியான பயிற்சி இல்லாமல் சமூக வலைத்தளப் புகழுக்காக இதுபோன்று உயிரைப் பணயம் வைத்து ஸ்டண்ட் செய்ய வேண்டாம் என்று பலரும் எச்சரித்து வருகின்றனர்.