நாடாளுமன்றத்தில் வெடித்த ‘அம்மா’ சர்ச்சை… “எந்த அம்மா?” என கிண்டலடித்த கம்யூனிஸ்ட் எம்பி.. கோபத்தில் அதிமுக தம்பிதுரை கொடுத்த அதிரடி பதிலடி… மிரண்டுபோன ஜான் பிரிட்டாஸ்..!!

நாடாளுமன்ற மாநிலங்களவையில் மருத்துவப் படிப்புகளுக்கான நீட் தேர்வு குறித்த விவாதம் நடைபெற்றுக் கொண்டிருந்தபோது, அதிமுக எம்பி எம். தம்பிதுரைக்கும் சிபிஐ எம்பி ஜான் பிரிட்டாஸுக்கும் இடையே திடீரென சுருக்கமான வார்த்தைப் போர் வெடித்தது. விவாதத்தின் போது பேசிய தம்பிதுரை, மறைந்த தமிழக முன்னாள் முதலமைச்சர் ஜெ. ஜெயலலிதாவின் பெயரைக் குறிப்பிடாமல், வழக்கம் போல அவரை “அம்மா” என்று குறிப்பிட்டுப் பேசினார்.

தம்பிதுரை “அம்மா” என்று கூறிய அதே கணத்தில் குறுக்கிட்ட மார்க்சிஸ்ட் கம்யூனிஸ்ட் கட்சியின் எம்பியான ஜான் பிரிட்டாஸ், “எந்த அம்மா?” என்று கேள்வி எழுப்பிக் கிண்டல் செய்தார். இதனால் அவையில் சலசலப்பு ஏற்பட்டதுடன், தமிழக அரசியல் சூழலை அறிந்த பிற உறுப்பினர்களும் விவாதத்தை உன்னிப்பாகக் கவனிக்கத் தொடங்கினர்.

https://twitter.com/HateDetectors/status/2083497784725155940/video/1

இதற்கு சற்றும் சளைக்காமல் உடனடியாகப் பதிலடி கொடுத்த தம்பிதுரை, “உங்க அம்மா தான்” என்று ஜான் பிரிட்டாஸைப் பார்த்துப் பேசினார். தம்பிதுரையின் இந்த உடனடி மற்றும் அதிரடியான பதில் அவையில் இருந்த மற்ற உறுப்பினர்களிடையே பெரும் சிரிப்பலையையும், பல்வேறு சுவாரசியமான எதிர்வினைகளையும் ஏற்படுத்தியது.