“என்ன வாங்கப் போறீங்க..?!” பிரபல கறுப்பினக் கலைஞரை வாசலிலேயே தடுத்த நிறுத்தி அவமானப்படுத்திய ஊழியர்.. புகைப்படக் கலைஞர் வெளியிட்ட பகீர் வீடியோ…!!

கலிபோர்னியாவில் உள்ள பிரபல ‘லூயி விடன்’ ஆடை விற்பனையகத்திற்குள் நுழையத் தான் நியாயமற்ற முறையில் தடுக்கப்பட்டதாகக் கூறி, பொழுதுபோக்கு புகைப்படக் கலைஞர் ஸ்டீவன் வில்லியம்ஸ் வெளியிட்ட வீடியோ இணையத்தில் பெரும் விவாதத்தைக் கிளப்பியுள்ளது. கடையில் மிகக் குறைவான வாடிக்கையாளர்களே இருந்தபோதிலும், பாதுகாப்பு ஊழியர் தன்னை உள்ளே விட மறுத்ததாகவும், என்ன வாங்கப் போகிறீர்கள் என்று கேள்வி எழுப்பியதாகவும் வில்லியம்ஸ் குற்றம் சாட்டியுள்ளார். இந்தச் சம்பவம் தன்னை அவமானப்படுத்தியதாகவும், ஆடம்பரம் ஒருபோதும் இனப் பாகுபாட்டுடன் வரக்கூடாது என்றும் அவர் சமூக வலைதளத்தில் வேதனையுடன் பதிவிட்டுள்ளார்.

A man says he was stopped outside the Louis Vuitton store in Glendale while trying to shop.

He was questioned about what he wanted to buy, denied entry, and had security called on him while only two customers were inside.

A guard reportedly told him they were only letting a… pic.twitter.com/w0IDepUIT2— Tony Lane 🇺🇸 (@TonyLaneNV) August 2, 2026

இன்ஸ்டாகிராமில் பகிரப்பட்ட இந்த வீடியோ விரைவாகப் பரவி, ஆயிரக்கணக்கான சமூக வலைதளப் பயனர்களின் கவனத்தைப் பெற்றுள்ளது. வில்லியம்ஸுக்கு ஆதரவாகப் பலரும் குரல் கொடுத்து வருவதோடு, வாடிக்கையாளர்களை அவர்களின் தோற்றம் அல்லது அடையாளத்தை வைத்து எடைபோடும் ஆடம்பரக் கடைகளின் அணுகுமுறையையும், இனப் பாகுபாட்டையும் கடுமையாகக் கண்டித்து வருகின்றனர். இச்சம்பவம், ஆடம்பரசந்தைப் பிரிவில் வாடிக்கையாளர்கள் நடத்தப்படும் விதம் மற்றும் பாதுகாப்பு நடைமுறைகள் குறித்த புதிய விவாதத்தை மீண்டும் உருவாக்கியுள்ளது.