ரசிகர்கள் ஷாக்..! “நான் போறேன்” கண்ணீர் விட்டு அழுது வீட்டை விட்டு வெளியேறிய குமரன்.. பிக்பாஸ் வைத்த டுவிஸ்ட்.. பிக்பாஸ் சீசன் 10-ல் திடீர் திருப்பம்..!!

பிக்பாஸ் தமிழ் சீசன் 10 நிகழ்ச்சியில், யாரும் எதிர்பாராத வகையில் முதன்முறையாக அறிமுகப்படுத்தப்பட்ட ‘பணப் பெட்டி’ சவால் பார்வையாளர்களிடையே பெரும் பரபரப்பை ஏற்படுத்தியுள்ளது. சவின்யா, ஜாவீத், லட்சுமி பிரியா மற்றும் குமரன் உள்ளிட்ட இறுதிப் பட்டியலை நோக்கி நகரும் 6 போட்டியாளர்களுக்கு முன்பாக ரூ.5 லட்சம் ரொக்கம் அடங்கிய பணப் பெட்டியை பிக்பாஸ் வைத்தார். இந்த பணத்தை எடுத்துக்கொண்டு யார் வேண்டுமானாலும் போட்டியில் இருந்து தாமாக முன்வந்து இப்போதே வெளியேறலாம் என்றும் பிக்பாஸ் அதிரடியாக அறிவித்தார்.

இந்த அறிவிப்பால், ரூ.5 லட்சத்தை எடுத்துக்கொண்டு வெளியேறுவதா அல்லது இறுதிவரை போராடி பிக்பாஸ் பயணத்தைத் தொடர்வதா என்ற இக்கட்டான சூழ்நிலையில் போட்டியாளர்கள் அனைவரும் தவித்தனர். குறிப்பாக, சக போட்டியாளர்கள் அனைவரும் குமரனிடம் இந்த அவசர முடிவை எடுக்க வேண்டாம் என்றும், தொடர்ந்து வீட்டில் இருந்து விளையாடுமாறும் அன்போடு கேட்டுக்கொண்டனர். எனினும், தனது எதிர்காலத்தைக் கருத்தில் கொண்டு குமரன் தனது முடிவில் உறுதியாக இருந்தார்.

இறுதியில், சக போட்டியாளர்களின் வேண்டுகோளையும் மீறி, மிகுந்த கண்ணீருடன் ரூ.5 லட்சம் பணப் பெட்டியைத் தேர்வு செய்து குமரன் பிக்பாஸ் வீட்டை விட்டு அதிரடியாக வெளியேறினார். இன்றுடன் குமரனின் பிக்பாஸ் பயணம் அதிகாரப்பூர்வமாக முடிவுக்கு வந்துள்ள நிலையில், அவரின் இந்த திடீர் முடிவு பிக்பாஸ் வீட்டிற்குள் இருந்த மற்ற போட்டியாளர்களைப் பெரும் சோகத்திலும் அதிர்ச்சியிலும் ஆழ்த்தியுள்ளது.