திடீர் டுவிஸ்ட்..! தேவர் குருபூஜையில் சசிகலா, தினகரனுடன் ரகசிய சந்திப்பு..? உண்மையை உடைத்த எடப்பாடி… பரபரப்பில் அரசியல் களம்..!!

பசும்பொன் தேவர் குருபூஜையின் போது டிடிவி தினகரன் மற்றும் சசிகலாவைச் சந்திக்க உள்ளதாகப் பரவும் தகவல்களை அதிமுக பொதுச் செயலாளர் எடப்பாடி பழனிசாமி திட்டவட்டமாக மறுத்துள்ளார். மதுரையில் இன்று செய்தியாளர்களைச் சந்தித்த அவர், இதுபோன்ற செய்திகள் முற்றிலும் தவறானவை என்றும், உண்மையில்லாதவை என்றும் விளக்கமளித்துள்ளார்.

மேலும் பேசிய எடப்பாடி பழனிசாமி, அமமுக பொதுச்செயலாளர் டிடிவி தினகரன் தங்களுடன் இணைந்து பணியாற்றி வருவதாகவும், தங்களுக்குள் நல்ல சுமுகமான உறவு நீடித்து வருவதாகவும் தெரிவித்துள்ளார். தேசிய ஜனநாயகக் கூட்டணியில் நிலவும் இந்த இணக்கமான சூழலைச் சுட்டிக்காட்டிய அவர், தேவையற்ற குழப்பங்களை விளைவிக்க வேண்டாம் என்றும் குறிப்பிட்டார்.

அரசியல் ரீதியாகப் பரப்பப்படும் இத்தகைய வதந்திகளுக்கு முற்றுப்புள்ளி வைத்த இபிஎஸ், ஊடகங்கள் மற்றும் சமூக வலைத்தளங்களில் இது போன்ற தவறான மற்றும் ஆதாரமற்ற தகவல்களைப் பரப்ப வேண்டாம் என்று வெளிப்படையாகக் கேட்டுக்கொண்டுள்ளார். தேவர் குருபூஜை நிகழ்வை ஒட்டி எவ்வித அரசியல் சந்திப்புகளும் திட்டமிடப்படவில்லை என்பதை அவர் இதன் மூலம் தெளிவுபடுத்தியுள்ளார்.