“என் பொண்ணுகூட என்னடா பண்ற..!” கையும் களவுமாகப் பிடிபட்ட வாலிபர்.. விடிய விடிய மட்டையால் அடித்து கொ**ற தந்தை.. நள்ளிரவில் அரங்கேறிய கொடூரம்..!!

பெங்களூருவின் யெலஹங்காவில் உள்ள தனது வீட்டில், தன் மகளுடன் இருந்த ஊழியரான கேரளாவைச் சேர்ந்த கிரண் என்பவரை தமிழ்நாட்டைச் சேர்ந்த ஆனந்த் ராஜ் என்பவர் அடித்துக் கொலை செய்ததாகக் கூறப்படுகிறது. இனிப்பு சோளம் தயாரிக்கும் இயந்திரங்களை உற்பத்தி செய்யும் சிறிய தொழிற்சாலை நடத்தி வரும் ஆனந்த் ராஜ், சுமார் இரண்டு ஆண்டுகளுக்கு முன்பு கிரணை அங்கு பணியமர்த்தியிருந்தார். கிரண் தனது மகளுடன் உறவை வளர்த்துக் கொண்டதால் ஆனந்த் ராஜ் அதிருப்தியில் இருந்ததாகக் காவல்துறையினர் தெரிவிக்கின்றனர்.

திங்கட்கிழமை தமிழ்நாட்டில் உள்ள தனது கிராமத்திற்குச் செல்வதாக மகளிடம் கூறிவிட்டுச் சென்ற ஆனந்த் ராஜ், அன்று பிற்பகல் தனது மனைவியுடன் மீண்டும் வீட்டிற்குத் திரும்பியுள்ளார். அப்போது, கிரண் வீட்டிற்குச் சென்று அவரது மகளுடன் ஒரு அறையில் இருந்ததை ஆனந்த் ராஜ் கண்டுள்ளார். இதையடுத்து, தனது மகளை மனைவியுடன் சிக்கபள்ளாபூரில் உள்ள உறவினர் வீட்டிற்கு அனுப்பிவைத்த ஆனந்த் ராஜ், கிரணை வீட்டிற்குள் தடுத்து வைத்து இரவு முழுவதும் மட்டையால் கொடூரமாகத் தாக்கியுள்ளார். மறுநாள் மதியம், கிரணின் அடிவயிற்றில் ஆனந்த் ராஜ் உதைத்ததில் அவர் சரிந்து விழுந்து உயிரிழந்தார். பின்னர், அவரை ஆட்டோ ரிக்ஷாவில் மருத்துவமனைக்குக் கொண்டு சென்றபோது மருத்துவர்கள் அவரது மரணத்தை உறுதி செய்தனர்.

மைசூரில் இரண்டாம் ஆண்டு ப்ரீ-யுனிவர்சிட்டி படிப்பை விடுதியில் தங்கிப் படித்து வந்த ஆனந்த் ராஜின் மகள், தசரா விடுமுறைக்காக வீட்டிற்கு வந்திருந்தபோது கிரணுடன் நெருக்கமாகப் பழகியதாகக் கூறப்படுகிறது. இச்சம்பவம் குறித்து யெலஹங்கா காவல்துறையினருக்குத் தகவல் தெரிவிக்கப்பட்டதை அடுத்து, அவர்கள் சம்பவ இடத்திற்குச் சென்று விசாரணையைத் தொடங்கினர். எலஹங்கா போலீசார் கொலை வழக்குப் பதிவு செய்து ஆனந்த் ராஜைக் கைது செய்துள்ள நிலையில், மேல் விசாரணை தொடர்ந்து நடைபெற்று வருகிறது.