“ஐயோ கடவுளே.. ஜாலியாக தொடங்கிய நள்ளிரவு டிரிப்..” தூங்கிய நண்பர்கள்.. 4 மணிக்கு நேர்ந்த கொடூரம்.. சம்பவ இடத்திலேயே துடிதுடித்த 3 பேர்.. பதறவைக்கும் சம்பவம்..!!

உத்தரப் பிரதேச மாநிலம் சஹாரன்பூர் மாவட்டம் நாகல் காவல் நிலைய எல்லைக்குட்பட்ட பெல்டா ரவுண்டானா அருகே நிகழ்ந்த கொடூரமான சாலை விபத்தில் மூன்று இளைஞர்கள் பரிதாபமாக உயிரிழந்துள்ளனர். ஆக்ராவிலிருந்து உத்தரகாண்டில் உள்ள சுற்றுலாத் தலமான முசோரிக்கு ஐந்து நண்பர்கள் நேற்று இரவு தார் காரில் புறப்பட்டுள்ளனர். ஞாயிற்றுக்கிழமை அதிகாலை சுமார் 4 மணியளவில் சஹாரன்பூர் பகுதியில் வந்துகொண்டிருந்தபோது, எதிர்பாராதவிதமாக அவர்களின் கார் கட்டுப்பாட்டை இழந்து சாலையோரம் இருந்த தடுப்புச் சுவரில் மிகக் கோரமாக மோதி விபத்துக்குள்ளானது. மோதிய வேகத்தில் கார் முற்றிலும் நசுங்கி உருக்குலைந்தது.

இந்த விபத்தின் தாக்கம் காரணமாகக் காரில் பயணித்த சாஹில் திவாரி (25), ராகுல் சிங் (25) மற்றும் சக்ஷம் உபாத்யாய் (23) ஆகிய மூன்று இளைஞர்கள் சம்பவ இடத்திலேயே உயிரிழந்தனர். காரை ஓட்டி வந்த ஹேமந்த் வர்மா மற்றும் சச்சின் வர்மா ஆகிய இருவர் படுகாயமடைந்தனர். விபத்து குறித்துத் தகவல் அறிந்து சம்பவ இடத்திற்கு விரைந்த நாகல் போலீசார், காயமடைந்தவர்களை மீட்டுச் சஹாரன்பூர் மாவட்ட மருத்துவமனையின் அவசர சிகிச்சைப் பிரிவில் அனுமதித்தனர். விபத்து நடந்த நேரத்தில் தான் தூங்கிக் கொண்டிருந்ததாகவும், கண்விழித்துப் பார்த்தபோது கார் நொறுங்கிக் கிடந்ததாகவும் காயமடைந்த சச்சின் வர்மா தெரிவித்துள்ளார்.

போலீசார் உயிரிழந்தவர்களின் உடல்களைக் கைப்பற்றி பிரேதப் பரிசோதனைக்காக அனுப்பி வைத்துள்ளனர். இந்த விபத்து பலியானவர்களின் குடும்பத்தினரிடையே பெரும் சோகத்தையும் அதிர்ச்சியையும் ஏற்படுத்தியுள்ளது. விபத்தில் உயிரிழந்த சாஹில் திவாரி தனது பெற்றோருக்கு ஒரே மகன் என்பதும், அவரது தந்தை ராணுவத்தில் பணியாற்றியவர் என்பதும் குறிப்பிடத்தக்கது. வார இறுதி விடுமுறையைக் கொண்டாட நண்பர்களுடன் மகிழ்ச்சியாக முசோரிக்குச் சென்ற இளைஞர்கள், வழியிலேயே விபத்தில் சிக்கி உயிரிழந்த சம்பவம் ஆக்ரா பகுதியில் பெரும் சோகத்தை ஏற்படுத்தியுள்ளது.