BREAKING : மறைந்த இசையமைப்பாளர் தேவாவுக்கு அரசு மரியாதை.. சற்றுமுன் அறிவிப்பு..!!

தமிழ் திரையுலகில் புகழ்பெற்ற பழம்பெரும் இசையமைப்பாளரும் பாடகருமான ‘தேனிசைத் தென்றல்’ தேவா (வயது 75) காலமானார். இன்று காலையில் திடீரென ஏற்பட்ட மாரடைப்பு காரணமாக சென்னையில் உள்ள தனியார் மருத்துவமனையில் அனுமதிக்கப்பட்ட அவரது உயிர் பிரிந்தது. ‘மனசுக்கேத்த மகராசா’ திரைப்படம் மூலம் அறிமுகமாகி தமிழ், தெலுங்கு, மலையாளம் உட்பட பல்வேறு மொழிகளில் 400-க்கும் மேற்பட்ட படங்களுக்கு அவர் இசையமைத்துள்ளார். ரஜினிகாந்தின் ‘பாட்ஷா’, ‘அண்ணாமலை’, அஜித்தின் ‘ஆசை’, விஜய்யின் ‘குஷி’ போன்ற எண்ணற்ற சூப்பர் ஹிட் படங்களுக்கு இசையமைத்த பெருமைக்குரியவர் ஆவார். குறிப்பாக, சென்னையில் அடித்தட்டு மக்களிடையே மட்டுமே இருந்த ‘கானா’ இசையைத் தனது தனித்துவமான மெட்டுகளால் உலக அரங்கிற்கு கொண்டு சேர்த்த பெருமை இவரையே சாரும்.

அவரது மறைவு திரையுலகினர் மற்றும் ரசிகர்களிடையே பெரும் அதிர்ச்சியையும் சோகத்தையும் ஏற்படுத்தியுள்ள நிலையில், திரையுலக பிரபலங்களும் அரசியல் தலைவர்களும் தங்களது ஆழ்ந்த இரங்கல்களைத் தெரிவித்து வருகின்றனர். இந்நிலையில், தென்னிந்தியத் திரையுலகில் தேவா ஆற்றிய அரிய இசைப்பணிகளைக் கௌரவிக்கும் விதமாக, மறைந்த இசையமைப்பாளர் தேவாவின் உடலுக்கு முழு அரசு மரியாதையுடன் இறுதிச் சடங்கு நடைபெறும் எனத் தமிழ்நாடு அரசு அதிகாரப்பூர்வமாக அறிவித்துள்ளது.