உலகத் தலைவர்களின் நெற்றிக்கு குறி வைத்த ஈரான்… டிரம்ப், நேதன்யாகுவை ‘ஹிட் லிஸ்டில்’ சேர்த்து வெளியிட்ட அதிர்ச்சி போஸ்டர்… சர்வதேச அளவில் வெடித்தது புதிய சர்ச்சை..!!

ஈரான் நாட்டின் அதிகாரப்பூர்வ நாளிதழான ‘ஹம்ஷஹ்ரி’ , உலகத் தலைவர்களை இலக்கு வைப்பது போன்ற ஒரு சர்ச்சை மிகுதியமான போஸ்டரை வெளியிட்டுள்ளது. இதில் அமெரிக்க முன்னாள் அதிபர் டொனால்ட் டிரம்ப் மற்றும் இஸ்ரேல் பிரதமர் பெஞ்சமின் நேதன்யாகு ஆகியோர் ஆரஞ்சு நிற சிறை உடையில் இருப்பது போலவும், அவர்களின் நெற்றியில் துப்பாக்கி இலக்கு (Sniper target) குறி வைக்கப்பட்டுள்ளது போலவும் சித்தரிக்கப்பட்டுள்ளது. இது சர்வதேச அளவில் பெரும் பரபரப்பை ஏற்படுத்தியுள்ளது.

இந்த ‘ஹிட் லிஸ்ட்’ பட்டியலில் டிரம்ப் மற்றும் நேதன்யாகு மட்டுமின்றி, பிரிட்டன் பிரதமர் கெய்ர் ஸ்டார்மர், பிரான்ஸ் அதிபர் இம்மானுவேல் மேக்ரான் மற்றும் இத்தாலி பிரதமர் ஜார்ஜியா மெலோனி உள்ளிட்ட பல முக்கிய உலகத் தலைவர்களின் படங்களும் இடம்பெற்றுள்ளன. இந்தத் தலைவர்கள் அனைவரும் குற்றவாளிகளைப் போல சித்தரிக்கப்பட்டுள்ளனர். ஈரானின் முக்கிய தலைவர்கள் மீதான தாக்குதல்களுக்குப் பழிவாங்கும் நடவடிக்கையாகவே இந்தச் சித்தரிப்புகள் அமைந்துள்ளதாகக் கருதப்படுகிறது.

டொனால்ட் டிரம்பிற்கு ஈரானால் அச்சுறுத்தல் இருப்பதாக அமெரிக்க உளவுத்துறை ஏற்கனவே எச்சரிக்கை விடுத்துள்ள நிலையில், இந்தச் செய்தி மிகுந்த முக்கியத்துவம் பெறுகிறது. தனக்கு ஏதேனும் பாதிப்பு ஏற்பட்டால் அதற்கு ஈரானே பொறுப்பேற்க வேண்டும் என்றும், அத்தகைய சூழலில் கடுமையான விளைவுகளைச் சந்திக்க நேரிடும் என்றும் டிரம்ப் ஏற்கனவே எச்சரித்திருந்தார். இந்தச் சம்பவம் அமெரிக்கா மற்றும் ஈரான் இடையிலான ஏற்கனவே நிலவி வரும் பதற்றத்தை மேலும் அதிகரித்துள்ளது.