“4 பிஸ்கட் சாப்பிட்டு உயிர் பிழைச்சுக்கோ…” வளர்ப்புப் பிராணிக்கு நேர்ந்த இந்த மிருகத்தனமான கொடுமையைப் பாருங்கள்.. 6 நாட்கள் தவித்த வாயில்லா ஜீவன்.. நெஞ்சை உலுக்கும் காட்சி..!!

தன் வளர்ப்பு நாய்க்குட்டியை சாப்பாடு, தண்ணீர் மற்றும் வெளிச்சம் ஏதும் இல்லாத ஒரு இருண்ட அறையில் ஆறு நாட்களாகப் பூட்டி வைத்துவிட்டு, அதன் உரிமையாளர் பச்மரி பகுதிக்குச் சுற்றுலா சென்ற கொடூரச் சம்பவம் பெரும் அதிர்ச்சியை ஏற்படுத்தியுள்ளது. “நான்கு பிஸ்கட்டுகளைச் சாப்பிட்டால் இந்த மூன்று மாதக் குட்டி உயிர் பிழைத்துவிடும்” என்று கூறிவிட்டுச் சென்ற அந்த உரிமையாளரின் செயல், விலங்கு நல ஆர்வலர்களிடையே கடும் கொந்தளிப்பை ஏற்படுத்தியுள்ளது. மின்விசிறி கூட இல்லாமல், பசியிலும் தாகத்திலும் தவித்த அந்த வாயில்லா ஜீவனின் அழுகுரலைக் கேட்டு, அக்கம் பக்கத்தினர் உடனடியாக விலங்கு நல அமைப்பிற்குத் தகவல் கொடுத்துள்ளனர்.

தகவல் அறிந்து விரைந்து வந்த மீட்புக் குழுவினர், அந்த இருண்ட அறையின் கதவை உடைத்து, மயக்க நிலையில் உயிருக்குப் போராடிக்கொண்டிருந்த குட்டியை மீட்டனர். பேச இயலாத விலங்குகள் ஒன்றும் விளையாடும் பொம்மைகள் அல்ல; மனிதர்களைப் போலவே அவற்றுக்கும் வலியும், பசியும், வேதனையும் உண்டு என்பதை இந்தச் சம்பவம் உணர்த்துகிறது. இது போன்ற மிருகத்தனமான மற்றும் கொடூரமான செயல்களை நம் சமூகத்தில் எங்கு கண்டாலும், அமைதியாகக் கடந்து போகாமல் உடனடியாகக் குரல் எழுப்பி அதிகாரிகளுக்குத் தகவல் தெரிவிக்க வேண்டும் என்று சமூக ஆர்வலர்கள் வலியுறுத்துகிறார்கள்.