“அய்யோ.. மேலேயிருந்து ஒருத்தர் குதிக்கிறாரு பாருங்க..!” மருத்துவமனையில் வாலிபர் எடுத்த விபரீத முடிவு.. நெஞ்சை பதறவைக்கும் வீடியோ..!!

மத்தியப் பிரதேச மாநிலம் ரேவாவில் உள்ள சஞ்சய் காந்தி நினைவு மருத்துவமனையின் மேல் தளத்தில் இருந்து வாலிபர் ஒருவர் திடீரென கீழே குதித்த அதிர்ச்சியூட்டும் சம்பவத்தால் அங்கு பெரும் பரபரப்பும் பயமும் ஏற்பட்டுள்ளது. அவர் கட்டிடத்தின் மேலிருந்து கீழே குதித்ததைக் கண்டு அதிர்ச்சியடைந்த அங்கிருந்த மருத்துவமனை ஊழியர்களும், பொதுமக்களும் உடனடியாக ஓடிவந்து அவருக்கு முதலுதவி வழங்கி காப்பாற்ற அசுர வேகத்தில் முயன்றனர். இக்கோர விபத்து குறித்துத் தகவல் அறிந்து வந்த காவல் துறையினர், தற்பொழுது மருத்துவமனை வளாகத்தைத் தங்களது கட்டுப்பாட்டுக்குள் கொண்டு வந்துள்ளனர்.

https://twitter.com/nextminutenews7/status/2094374420131496169/video/1

அந்த வாலிபர் எதற்காக மருத்துவமனை கட்டிடத்தின் மேல் தளத்தில் இருந்து குதித்துத் தற்கொலைக்கு முயன்றார் என்பதற்கான காரணம் இதுவரை துல்லியமாகத் தெரியவில்லை. கீழே குதித்ததில் படுகாயமடைந்த அந்த வாலிபரின் தற்போதைய உடல்நிலை குறித்தும், அவரது உண்மையான அடையாளம் மற்றும் பின்னணி குறித்தும் காவல்துறையினர் தற்பொழுது தீவிரமாகத் தடயங்களைச் சேகரித்து விசாரணை நடத்தி வருகின்றனர். மருத்துவமனை வளாகத்திற்குள்ளேயே நள்ளிரவில் அரங்கேறிய இந்த நெஞ்சைப் பதறவைக்கும் தற்கொலை முயற்சிச் சம்பவம், அங்கு சிகிச்சை பெற்று வரும் நோயாளிகள் மற்றும் அவர்களது உறவினர்கள் மத்தியில் பெரும் அதிர்ச்சியை ஏற்படுத்தியுள்ளது.