LATEST NEWS
“போலீசுக்கு லஞ்சம் கொடுக்க என்கிட்ட காசில்லை..!” காணாமல் போன மகள்… வைரலாகும் ரிக்ஷா ஓட்டுநரின் கண்ணீர் வீடியோ..!!
பாகிஸ்தானின் நவ்ஷேரா பகுதியில் வசிக்கும் ஜாவேத் என்ற ஏழை ரிக்ஷா ஓட்டுநரின் மகள் மர்மமான முறையில் காணாமல் போயுள்ளார். தனது மகளைக் கண்டுபிடித்துத் தருமாறு அஸாகேல் காவல் நிலைய போலீசாரிடம் அவர் கண்ணீருடன் கோரிக்கை விடுத்துள்ளார். தன்னிடம் இருக்கும் சொற்ப வருமானத்தைக் கொண்டு மகளைத் தேடி அலைந்து வரும் இந்தத் தந்தை, தங்களுக்கு நேர்ந்துள்ள இந்தத் துயரத்தை ஊடகங்கள் வாயிலாகப் பகிர்ந்துள்ளார்.
ஊடகங்களுக்குப் பேட்டியளித்த ஜாவேத், “காணாமல் போன என் மகளைக் கண்டுபிடித்துத் தருவதற்குக் காவல் துறையினருக்கு லஞ்சமாகக் கொடுப்பதற்கு என்னிடம் ஒரு பைசா கூட இல்லை” என்று மிகுந்த மனவேதனையுடன் தெரிவித்துள்ளார். மேலும், வறுமையின் காரணமாகக் கடந்த மூன்று மாதங்களாகத் தனது வீட்டு வாடகையைக் கூடச் செலுத்த முடியாமல் தவித்து வருவதாகவும் அவர் கண்ணீர் மல்கக் கூறியுள்ளார். ஏழைத் தந்தையின் இந்த உருக்கமான வேண்டுகோள் தற்பொழுது சமூக வலைத்தளங்களில் பலரது நெஞ்சங்களையும் உலுக்கி வருகிறது.
