“அன்று பயந்துபோய் சீமானிடம் கெஞ்சிய தவெக அமைச்சர்..!” கோட்டை வட்டாரத்தை உலுக்கும் சாட்டை துரைமுருகனின் பகிரங்கக் குற்றச்சாட்டு..!!

நாம் தமிழர் கட்சியின் சாட்டை துரைமுருகன் தனது யூடியூப் பக்கத்தில் வெளியிட்டுள்ள மாற்றுத் தகவல், தற்போது தமிழக அரசியல் வட்டாரத்தில் பெரும் விவாதத்தைக் கிளப்பியுள்ளது. சமீபத்திய சட்டப்பேரவைக் கூட்டத்தொடரில் மிசா சட்டம் குறித்து அமைச்சர் சி.டி.ஆர். நிர்மல்குமார் பேசிய கருத்துகள் பேசுபொருளான நிலையில், கரூரில் நடந்த துயரச் சம்பவத்தின் போது நிலவிய பரபரப்பைச் சமாளிக்க முடியாமல் அரசுத் தரப்பினர் திணறியதாக அவர் குறிப்பிட்டுள்ளார். அந்த இக்கட்டான சூழலில், அமைச்சர் நிர்மல்குமார் நாம் தமிழர் கட்சியின் முக்கியப் பொறுப்பாளர் ஒருவரை அவசரமாகத் தொடர்புகொண்டு, தலைமை ஒருங்கிணைப்பாளர் சீமானிடம் பேசி ஒரு அறிக்கை மட்டும் வெளியிட வைக்குமாறு உதவி கேட்டதை தான் நேரில் பார்த்ததாகச் சாட்டை துரைமுருகன் பகிரங்கமாகக் குற்றம் சாட்டியுள்ளார்.

மேலும், 41 பேர் உயிரிழந்த சம்பவத்தில் தவெக அரசு மௌனம் காத்ததாகவும், ஒன்றிய அரசு மற்றும் பிற எதிர்க்கட்சிகளின் ஆதரவாலேயே அந்த விவகாரத்தைச் சமாளித்ததாகவும் சாட்டை துரைமுருகன் தனது வீடியோவில் கடுமையாக விமர்சித்துள்ளார். சட்டப்பேரவையில் புள்ளிவிவரங்களைப் பேசும் அமைச்சர் நிர்மல்குமார், அன்றைக்குப் பயந்துபோய் உதவி கேட்டதை மறுக்க முடியுமா என்று அவர் எழுப்பியுள்ள அடுக்கடுக்கான கேள்விகள் இணையத்தில் அசுர வேகத்தில் வைரலாகி தவெக மற்றும் நாம் தமிழர் கட்சித் தொண்டர்களிடையே மாபெரும் கருத்து மோதல்களை உருவாக்கி அரசியல் களத்தைச் சூடேற்றியுள்ளது.