“அய்யோ நெஞ்சை நடுங்குது..” அரிவாளுடன் பாய்ந்த 4 பேர் கொண்ட கும்பல்.. 15 வயது மகளின் கண்முன்னே துடிதுடித்த தந்தை.. குலை நடுங்க வைக்கும் பின்னணி..!!

திருநெல்வேலி மாவட்டம் கல்லிடைக்குறிச்சி சன்னதி தெருவைச் சேர்ந்த திருமண மண்டப உரிமையாளர் கண்ணன் (52), நேற்றிரவு குத்துக்கல் தெரு பகுதியில் தனது பத்தாம் வகுப்பு மகளை டியூஷன் சென்டரிலிருந்து மோட்டார் சைக்கிளில் வீட்டிற்கு அழைத்து வரச் சென்றுள்ளார். அப்போது, அங்கு ஆயுதங்களுடன் பதுங்கியிருந்த 4 பேர் கொண்ட மர்மக் கும்பல் திடீரென அவரைச் சூழ்ந்து, அவரது மகள் கண்முன்னே கொடூரமான முறையில் வெட்டிப் படுகொலை செய்துவிட்டுத் தப்பியோடியது. தந்தை ரத்த வெள்ளத்தில் சம்பவ இடத்திலேயே துடிதுடித்து உயிரிழந்ததைக் கண்டு அதிர்ச்சியடைந்த அவரது பச்சிளம் மகள் அலறித் துடித்த இக்கோரச் சம்பவம் அப்பகுதியில் பெரும் பரபரப்பையும் சோகத்தையும் ஏற்படுத்தியுள்ளது.

இக்கோரச் சம்பவம் குறித்துத் தகவலறிந்து திருநெல்வேலி மாவட்ட எஸ்பி விஷ்வேஸ் பாலசுப்பிரமணியம் சாஸ்திரி மற்றும் கல்லிடைக்குறிச்சி போலீஸார் சம்பவ இடத்திற்கு மின்னல் வேகத்தில் விரைந்து வந்து உடலைக் கைப்பற்றிப் பிரேதப் பரிசோதனைக்கு அனுப்பி வைத்தனர். இந்த விபரீதக் கொலைக்கான அசல் காரணம் உடனடியாகத் தெரியாத போதிலும், முன்விரோதம், இடப்பிரச்சினை அல்லது சொத்து தகராறு காரணமாக இக்கொடூரம் நடந்ததா என்ற பல்வேறு கோணங்களில் தனிப்படைகள் அமைக்கப்பட்டு போலீசார் அசுர வேகத்தில் தீவிரத் தேடுதல் வேட்டை நடத்தினர். அதன் பலனாக, விபத்து நடந்த 10 மணி நேரத்திற்குள் வெங்கடேஷ் மற்றும் சூர்யா இசக்கி ஆகிய 2 குற்றவாளிகளைப் போலீஸார் அதிரடியாகக் கைது செய்து சிறையிலடைத்துள்ளனர்.