அடப்பாவிகளா.. கள்ளச்சாவியோடு வந்த ‘நெருங்கிய’ உறவினர் செய்த பகீர் காரியம்.. பூஜை அறையிலேயே கைவரிசை செய்த கொடூரம்.. சிசிடிவி-யில் சிக்கிய பகீர் காட்சிகள்..!!

கர்நாடகாவின் பெங்களூரு கெங்கேரி பகுதியில் உள்ள கைலாஷ் பிடிஏ அடுக்குமாடி குடியிருப்பில், லட்சுமி பூஜை கொண்டாட்டத்தின் போது உறவினர் வீட்டிலிருந்த தங்க நகைகளைத் திருடிவிட்டு, அதற்குப் பதிலாக போலி நகைகளை மாற்றி வைத்த நபரைக் காவல்துறையினர் கைது செய்துள்ளனர். கைது செய்யப்பட்ட நபர் அஷ்வத் கே.எச். என அடையாளம் காணப்பட்டுள்ளார். புகார்தாரரின் வீட்டிற்கு அடிக்கடி வந்து செல்லும் பழக்கமுடைய அஷ்வத், பூஜையின் போது குடும்பத்தினர் வெளியில் சென்றிருந்ததைச் சாதகமாகப் பயன்படுத்திக் கொண்டு, தன்னிடம் இருந்த கள்ளச் சாவியைவைத்து வீட்டிற்குள் நுழைந்து இந்தத் துணிகரத் திருட்டில் ஈடுபட்டுள்ளார்.

பூஜை அறையின் தட்டில் வைக்கப்பட்டிருந்த ரூ.8,000 ரொக்கப் பணம் மற்றும் சுமார் ரூ.8 லட்சம் மதிப்புள்ள இரண்டு தங்க நெக்லஸ்கள், ஒரு பிரேஸ்லெட் ஆகியவற்றைத் திருடிக்கொண்டு, அதற்குப் பதிலாக அதே வடிவிலான போலி நகைகளை அவர் அங்கு மாற்றி வைத்துள்ளார். பின்னர் குடும்பத்தினர் நகைகளைப் பார்த்தபோதுதான் அது போலி எனத் தெரியவந்து, திருட்டு நடந்திருப்பது வெளிச்சத்திற்கு வந்தது. இதுகுறித்து அளிக்கப்பட்ட புகாரின் பேரில், சிசிடிவி காட்சிகளின் ஆதாரங்களைக் கொண்டு கெங்கேரி போலீசார் அஷ்வத்தை மடக்கிப் பிடித்துக் கைது செய்தனர். அவரிடமிருந்து திருடப்பட்ட நகைகள் சில மீட்கப்பட்டுள்ள நிலையில், போலீசார் தொடர்ந்து தீவிர விசாரணை நடத்தி வருகின்றனர்.