எங்கள் தங்கம்’ ரிலீஸ்…முதலமைச்சர் விஜய்யை நேரில் சந்தித்த சமந்தா…ஒரே ஃபிரேமில் சமந்தா – டிடி நீலகண்டன்…சமந்தா – விஜய் கூட்டணி பற்றி வெளியான அதிரடித் தகவல்…!

நடிகை சமந்தா தயாரித்து நடித்துள்ள குடும்ப பின்னணி கொண்ட ஆக்ஷன் திரைப்படமான ‘மா இன்டி பங்காரம்’, தமிழில் ‘எங்கள் தங்கம்’ என்ற பெயரில் இந்த வாரம் திரையரங்குகளில் வெளியாகிறது. இதற்கான புரமோஷன் பணிகளுக்காகச் சென்னை வந்துள்ள சமந்தாவை, பிரபல தொகுப்பாளினியும் நடிகையுமான டிடி நீலகண்டன் பிரத்யேகமாகப் பேட்டி கண்டுள்ளார். உடல்நலக் குறைபாடு மற்றும் கால் பிரச்சினை காரணமாக முன்பு போல டிடி அதிக ஷோக்கள் செய்யவில்லை என்றாலும், சமந்தா, நயன்தாரா போன்ற முன்னணி நடிகைகளைச் சந்தித்து ரசிகர்களுக்குத் தொடர்ந்து சுவாரசியமான நேர்காணல்களை வழங்கி வருகிறார். தற்போது சமந்தாவும் டிடி-யும் ஒரே நிறத்தில் சேலை அணிந்து எடுத்துக்கொண்ட க்யூட்டான புகைப்படங்கள் இன்ஸ்டாகிராமில் வெளியாகி, “இருவருக்கும் வயதே ஆகாதா?” என ரசிகர்களை வியப்பில் ஆழ்த்தி வைரலாகி வருகின்றன.

சென்னையில் படப் புரமோஷனில் கலந்துகொண்ட சமந்தா, தனது முதல் வேளையாகத் தமிழக முதலமைச்சர் விஜய்யைச் நேரில் சந்தித்துப் பேசினார். இந்தச் சந்திப்பிற்குப் பிறகு செய்தியாளர்களிடம் பேசிய சமந்தா, “அவர் முதலமைச்சரானது எனக்குப் பெரிய ஆச்சரியம் இல்லை. அவருடன் மூன்று படங்களில் இணைந்து பணியாற்றியுள்ளேன். அவர் எப்போதுமே மிகவும் தொலைநோக்கு மற்றும் எதிர்காலச் சிந்தனையுடன் செயல்படக்கூடிய ஒரு மனிதர். கண்டிப்பாகத் தமிழகத்திற்கு அவர் ஒரு நல்லாட்சியைத் தருவார் என்பதில் எந்தவொரு சந்தேகமும் இல்லை” என நெகிழ்ச்சியுடனும் நம்பிக்கையுடனும் முதல்வர் விஜய் குறித்துப் பெருமிதம் தெரிவித்துள்ளார்.

சமந்தா – முதல்வர் விஜய் சந்திப்பைத் தொடர்ந்து, சமூக வலைத்தளங்களில் தளபதி ரசிகர்கள் பழைய நினைவுகளைப் பகிர்ந்து கொண்டாடத் தொடங்கியுள்ளனர். ‘கத்தி’ படத்தின் செல்ஃபி புள்ள பாடல், ‘தெறி’ படத்தின் பிளாஷ்பேக் காட்சிகள் மற்றும் அட்லி இயக்கத்தில் விஜய் ‘அஞ்சு ரூபாய் டாக்டராக’ நடித்த ‘மெர்சல்’ படத்தில் சமந்தாவிடம் “ரோஸ் மில்க் குடிக்கப் போலாமா?” எனக் கேட்கும் காதல் காட்சிகள் என அனைத்தையும் ரீ-கிரியேட் செய்து இணையத்தில் வைரலாக்கி வருகின்றனர். வாழ்வில் பல தடைகளைக் கடந்து சாதித்த இரண்டு பெண்கள் (சமந்தா – டிடி) ஒரே பிரேமில் இருக்கும் அழகிய புகைப்படங்களும், சமந்தாவின் அரசியல் வாழ்த்துகளும் தற்போது கோலிவுட்டின் ஹாட் டாபிக்காக மாறியுள்ளன.