“நீயெல்லாம் மனுஷனா..?” 7 மாத கர்ப்பிணி என்றும் பாராமல் கணவன் செய்த ‘அந்த’ கொடூரம்.. நெஞ்சை உலுக்கும் சம்பவம்..!!

உத்தரப் பிரதேச மாநிலம் ஹர்தோய் மாவட்டத்தின் பில்கிராம் கோத்வாலி காவல் எல்லைக்குட்பட்ட மயோரா கிராமத்தில், கணவன் வாங்கிய பணத்திற்கு கணக்கு கேட்ட தகராறில், 7 மாத கர்ப்பிணியான கிரண் (24) என்ற மனைவி, கணவன் விஷாலால் தடியால் அடித்துக் கொடூரமாகக் கொலை செய்யப்பட்டுள்ளார். மூன்று ஆண்டுகளுக்கு முன்பு திருமணமான இத்தம்பதியினருக்கு ஒரு வயதில் பெண் குழந்தை உள்ள நிலையில், கிரண் தற்போது 7 மாத கர்ப்பிணியாக இருந்துள்ளார். செவ்வாய்க்கிழமை மாலை மது போதையில் வீட்டிற்கு வந்த விஷால், இரண்டு நாட்களுக்கு முன்பு கொடுத்த பணத்திற்கு கணக்கு கேட்டு கிரணிடம் தகராறில் ஈடுபட்டுள்ளார். கிரண் தன்னிடம் ரூ.2,000 மட்டுமே இருப்பதாகக் கூறி, குடும்பத்தின் எதிர்காலத் தேவைக்காகப் பணத்தைச் சேமிக்க நினைத்தபோது ஆத்திரமடைந்த விஷால், அவரை மூங்கில் தடியால் கொடூரமாகத் தாக்கத் தொடங்கியுள்ளார்.

இக்கொடூரத் தாக்குதலின் போது மருமகளைக் காப்பாற்ற ஓடிவந்த விஷாலின் தாய் பிரேமாவையும் அவர் கடுமையாகத் தாக்கி வீட்டை விட்டு வெளியே தள்ளியுள்ளார். பக்கத்து வீட்டினர் பயந்துபோய் உதவிக்கு வராத நிலையில், தாய் பிரேமா உடனடியாக 112 என்ற அவசர உதவி எண்ணிற்குத் தகவல் கொடுத்துள்ளார். படுகாயமடைந்த கிரண் ஆம்புலன்ஸ் மூலம் பில்கிராம் சமூக சுகாதார மையத்திற்கு கொண்டு செல்லப்பட்ட போதிலும், அவர் ஏற்கனவே இறந்துவிட்டதாக மருத்துவர்கள் அறிவித்தனர். சம்பவ இடத்திலிருந்து தப்பியோடிய கொலையாளி கணவன் விஷால் பாலை, கூடுதல் காவல் கண்காணிப்பாளர் சுபோத் கௌதம் தலைமையிலான போலீசார் அதிரடியாகத் தேடிக் கைது செய்துள்ளனர். குடும்பத்தினரையும், பெற்ற தாயையும் இதற்கு முன்பே அடித்துக் கையை உடைத்துள்ள இந்த வன்முறைப் புத்தி கொண்ட கணவனின் கொடூரச் செயல் அப்பகுதியில் பெரும் அதிர்ச்சியை ஏற்படுத்தியுள்ளது.