ஐயோ பாவம்.. “21 வயதில் கைதி, 29 வயதில் விடுதலை!..” 30 காவலர்களால் அரங்கேறிய கோரம்.. சிறையிலிருந்து மீண்ட யானின் பெர்னியாவின் கண்ணீர்க் கதை..!!

வெனிசுலாவில் கடந்த 2018ஆம் ஆண்டு ராணுவச் சோதனைச் சாவடியில் கைது செய்யப்பட்ட 21 வயது மெசோதெரபிஸ்ட் யானின் பெர்னியா, ‘ட்ரோன் வழக்கு’ என்ற பெயரில் கொடூரமான சித்திரவதைகளுக்கு ஆளாக்கப்பட்டார். காணாமல் போன அந்த ஒரு வாரக் காலகட்டத்தில் அவர் மின்சாரம் பாய்ச்சப்பட்டும், மூச்சுத்திணறடிக்கப்பட்டும், நகங்கள் நசுக்கப்பட்டும் மனிதவேதனைக்கு உள்ளானார். நீதிமன்றத்தில் அவர் நிறுத்தப்பட்டபோதே சித்திரவதையின் தழும்புகள் அவரது உடலில் தெளிவாகத் தெரிந்தன. அப்படியிருந்தும் வெனிசுலாவின் அதிகபட்ச தண்டனையான 30 ஆண்டுகள் சிறைத்தண்டனை அவருக்கு விதிக்கப்பட்டு, அந்தத் தீர்ப்பும் பின்னர் உறுதி செய்யப்பட்டது.

எட்டாண்டுகளுக்கும் மேலாகச் சிறைவாசத்தின் கொடூரங்களைச் சுமந்த யானினுக்கு எதிராக, அரசதிகாரத்தின் வன்முறைச் சிகரமாக மற்றொரு அதிர்ச்சியும் அரங்கேறியது. மே 2026-ல், யானின் துணைவரின் தாயான சோரைடா கொன்சாலஸ், யானின் 30 காவலர்களால் பாலியல் வன்முறைக்கு ஆளாக்கப்பட்டதாகக் பகிரங்கமாகப் புகாரளித்தார். புரோவியாவும் வெனிசுலா சிறை கண்காணிப்பகமும் கடுமையான விசாரணைக் கோரிக்கைகளை விடுத்தபோதிலும், இந்த மனிதாபிமானமற்ற குற்றத்திற்குப் பொறுப்பானவர்கள் யார் என்பது இன்றுவரை வெளிச்சத்திற்கு வரவில்லை; நீதி இன்னும் கேள்விக்குறியாகவே நீடிக்கிறது.

🔴 SU FAMILIA DENUNCIÓ QUE FUE VIOLADA POR 30 CUSTODIOS; LA CONDENARON A 30 AÑOS: TRAS 8 AÑOS, YANÍN PERNÍA FUE EXCARCELADA

Agosto de 2018.

Yanín Pernía tenía 21 años y trabajaba como mesoterapeuta.

Fue detenida cuando atravesaba un punto de control militar en Barinas y la… pic.twitter.com/NSzY5NimvN— YOYOPRESS NOTICIAS (@YOYOPRESS) August 14, 2026

ஃபோரோ பெனால் அமைப்பின் உறுதிப்படுத்தலுடன், ஆகஸ்ட் 14, 2026 அன்று யானின் பெர்னியா, எமிர்லென்ட்ரிஸ் பெனிடெஸ் மற்றும் பல அரசியல் கைதிகள் ஐ.என்.ஓ.எஃப்சிறையிலிருந்து விடுவிக்கப்பட்டனர். சிறைக்குள் நுழைந்தபோது 21 வயதாக இருந்த அவருக்கு இன்று 29 வயது; அவரது இளமைக்காலம் சித்திரவதைகளாலும் சிறைக் கம்பிகளுக்குள்ளேயே கருகிப்போனது. சிறையிலிருந்து அவர் வெளிவந்துவிட்டாலும், அவர் இழந்த இளமையும், கொடூர சித்திரவதைகளும் மறைந்துவிடவில்லை; மேலும் பாலியல் வன்முறை குறித்த அரசின் முறையான விசாரணைக்கான நீதிக்காக அவர் இன்னும் காத்திருக்கிறார்.