த்ரிஷா வீட்டிற்கு வந்த திடீர் பார்சல்…சாதாரண கிஃப்ட் பாக்ஸ் இல்ல இது! ராம்சரண் வீட்டில் இருந்து த்ரிஷாவிற்கு வந்த பாரம்பரிய பரிசு…உபாசனாவின் அன்பான பரிசுக்கு த்ரிஷா கொடுத்த கியூட் பதில்…!!

தென்னிந்தியத் திரையுலகில் 20 ஆண்டுகளுக்கும் மேலாக முன்னணி நடிகையாக வலம் வரும் த்ரிஷா, தற்போது தனது கேரியரின் மற்றொரு பொற்காலத்தை அனுபவித்து வருகிறார். அவர் நடிப்பில் வெளியான “லியோ”, “குட் பேட் அக்லி” மற்றும் சமீபத்திய பிளாக்பஸ்டர் ஹிட் அடித்த “கருப்பு” போன்ற படங்கள் அடுத்தடுத்து வசூல் சாதனை படைத்ததால், ரசிகர்கள் அவரைத் தங்களின் ‘லக்கி சார்ம்’ ஆகக் கொண்டாடி வருகின்றனர். இந்த தொடர் வெற்றிகளின் காரணமாக, த்ரிஷா புதிய படங்களில் கமிட் ஆவது முதல் சமூக வலைதளங்களில் பகிரும் சாதாரண பதிவுகள் வரை அனைத்தும் இணையத்தில் உடனுக்குடன் டிரெண்டாகி பெரும் பேசுபொருளாக மாறி வருகிறது.

அந்த வகையில், த்ரிஷா தனது இன்ஸ்டாகிராம் பக்கத்தில் பகிர்ந்துள்ள ஒரு ஸ்டோரி தற்போது சமூக வலைதளங்களில் காட்டுத்தீயாய் பரவி வருகிறது. தெலுங்கு சூப்பர் ஸ்டார் ராம்சரணின் மனைவியும் தொழிலதிபருமான உபாசனா, தனது அத்தை சுரேகாவுடன் இணைந்து நடத்தி வரும் “அத்தமாஸ் கிச்சன்” பிராண்டின் பாரம்பரிய உணவுப் பொருட்கள் அடங்கிய சிறப்பு பரிசுப் பெட்டி ஒன்றை த்ரிஷாவிற்கு அனுப்பியுள்ளார். அந்தப் பெட்டியில் ஆந்திராவின் புகழ்பெற்ற ஆவக்காய் மற்றும் கோங்குரா ஊறுகாய்கள், கறிவேப்பிலை பொடி, பருப்பு பொடி, இன்ஸ்டன்ட் ரசம், கேசரி, பொங்கல் மற்றும் உப்புமா மிக்ஸ் போன்ற வீட்டுச் சுவையிலான உணவுகள் இடம் பெற்றிருந்தன.

இந்தத் திடீர் பரிசால் நெகிழ்ந்துபோன த்ரிஷா, அந்த கிஃப்ட் பாக்ஸின் புகைப்படத்தைப் பகிர்ந்து, “மிக்க நன்றி உபாசனா… இந்த அற்புதமான மற்றும் சுவையான உணவுகளைப் பார்க்கும்போது உண்மையிலேயே எனக்குக் கோடைகாலம் நினைவுக்கு வருகிறது” எனப் பதிவிட்டுள்ளார். சிரஞ்சீவி குடும்பத்தினருடன் த்ரிஷாவுக்கு இருக்கும் நீண்டகால நட்பின் வெளிப்பாடாக இப்பரிசு பார்க்கப்படும் நிலையில், த்ரிஷா எதைப் பகிர்ந்தாலும் அது வைரலாகிவிடுகிறது என ரசிகர்கள் கமெண்ட் செய்து வருகின்றனர். ஒரு காலத்தில் த்ரிஷாவின் திரைப்படங்களை மட்டுமே எதிர்பார்த்து காத்திருந்த ரசிகர்கள், இன்று அவர் பகிரும் ஒரு சிறிய புகைப்படத்தைக் கூட கொண்டாடும் அளவிற்கு சமூக வலைதளங்களில் அவரது செல்வாக்கு உச்சத்தில் உள்ளது.