“இந்த காலத்திலும் இப்படியொரு மனிதரா..?” ஆயிரக்கணக்கில் வந்த வரன்கள்.. ஆனால் அவர் கேட்டது ‘அந்த’ ஒரு விஷயம் மட்டும் தான்.. சப்-இன்ஸ்பெக்டரின் அதிரடி முடிவு.. நெஞ்சை நெகிழ வைத்த சம்பவம்..!!

ராஜஸ்தான் மாநிலம் தோல்பூரைச் சேர்ந்த வினீத் கௌதம் என்பவர் ரயில்வே பாதுகாப்புப் படையில் சப்-இன்ஸ்பெக்டராகப் பொறுப்பேற்றவுடன், அவருக்கு ஆயிரக்கணக்கான திருமண வரன்கள் வரத் தொடங்கின. அரசு வேலை கிடைத்துவிட்டதால் லட்சக்கணக்கில் வரதட்சணை வாங்கலாம் என்ற சமூக வழக்கத்திற்கு மாறாக, அவர் தனது குடும்பத்தினரிடம் தனக்கு கிராமத்துச் சூழலில் வளர்ந்த ஒரு எளிய, பண்பான பெண் மட்டுமே போதும் என்றும், வரதட்சணையில் தனக்கு உடன்பாடில்லை என்றும் திட்டவட்டமாகக் கூறினார். இதைத் தொடர்ந்து, அவரது தந்தை தனது சிறுவயது நண்பரான மனோகர் என்ற விவசாயியின் மகளை வினீத்திற்குத் திருமணம் பேசினார்.

ஆடம்பரங்கள், மேள தாளங்கள், தற்பெருமை பேசும் சீர்வரிசைகள் என எதையும் எதிர்பார்க்காமல், ஒரே ஒரு ரூபாய் மட்டுமே வரதட்சணையாகப் பெற்றுக்கொண்டு இந்தத் திருமணம் ஒரு கோவிலில் மிக எளிமையாக நடைபெற்றது. அரசுப் பதவி கிடைத்தவுடன் வரதட்சணைத் தொகையை உயர்த்திக் கேட்கும் தற்காலப் போக்கை விடுத்து, ஒரு ஏழை விவசாயியின் மகளைத் தேர்ந்தெடுத்து, எளிய முறையில் கரம் பிடித்த இந்த சப்-இன்ஸ்பெக்டரின் செயல் சமூகத்திற்கு ஒரு சிறந்த முன்மாதிரியாக அமைந்துள்ளது. இவர்களது ஊர்வலம் சிறியதாக இருந்தாலும், அவர்களது கௌரவம் ஒட்டுமொத்த சமூகத்தின் முன்னிலையிலும் உயர்ந்து நிற்கிறது.