“என் பொண்டாட்டி அவன் கூடவே..” கல்யாணக் கோலத்தில் நின்ற மனைவி.. திடீரென எண்ட்ரி கொடுத்த முதல் கணவன்.. இறுதியில் நடந்த பயங்கர ட்விஸ்ட்.. பெரும் பரபரப்பு சம்பவம்..!!

உத்தரப் பிரதேச மாநிலம் அம்பேத்காநகரில் முதல் கணவரிடம் இருந்து சட்டப்பூர்வமாக விவாகரத்து பெறாமல், ருச்சி என்ற பெண் சுனில் கசௌதன் என்பவரைத் திருட்டுத்தனமாக இரண்டாவது திருமணம் செய்ய முயன்றபோது, அவரது முதல் கணவர் சூரஜ் போலீசாருடன் திருமண மண்டபத்திற்குள் அதிரடியாக நுழைந்ததால் பெரும் பரபரப்பு ஏற்பட்டது. சில ஆண்டுகளுக்கு முன்பு சூரஜை திருமணம் செய்துகொண்ட ருச்சி, கணவருக்குத் தெரியாமல் இந்த இரண்டாவது திருமணத்திற்கு ஏற்பாடு செய்துள்ளார். இந்த விஷயம் சூரஜின் காதுகளுக்கு எட்டியதை அடுத்து, அவர் உடனடியாக போலீசாரை அழைத்துக்கொண்டு வந்து திருமணத்தை நிறுத்தினார். இதனால் திருமணக் கோலம் பூண்டிருந்த மண்டபம் திடீரென போர்க்களமாக மாறியது.

இந்த விவகாரம் தொடர்பாக அக்பர்பூர் காவல் நிலையத்தில் இருதரப்பு மற்றும் பஞ்சாயத்தார்கள் முன்னிலையில் அவசரப் பேச்சுவார்த்தை நடத்தப்பட்டது. அப்போது, தனது மனைவி ருச்சி, இரண்டாவது கணவர் சுனிலுடன் செல்வதற்கு சூரஜ் எழுத்துப்பூர்வமாகச் சம்மதம் தெரிவித்து, அங்கே கையெழுத்திட்டுக் கொடுத்துவிட்டு அங்கிருந்து வெளியேறினார். தற்காலத்தில் கணவன் உயிருடன் இருக்கும்போதே விவாகரத்து பெறாமல் இதுபோன்ற இரண்டாவது திருமணங்களைச் செய்வது சமூகத்தில் சட்ட ரீதியாகவும், தார்மீக ரீதியாகவும் தவறான ஒரு முன்மாதிரியாகப் பார்க்கப்படுகிறது.