“கொஞ்சமாவது உயிர்ப் பயம் இருக்க வேண்டாமா..?” நகரும் ஜெட் என்ஜின் அருகே பெண்கள் செய்த பகீர் காரியம்.. அடுத்து நடந்த எதிர்பாராத ட்விஸ்ட்…. நெட்டிசன்களை பதறவைத்த வீடியோ..!!

மாஸ்கோவின் ஷெரெமெத்யேவோ சர்வதேச விமான நிலையத்தில் ஜூலை 25 அன்று மிகப்பெரிய பாதுகாப்பு அத்துமீறல் சம்பவம் ஒன்று அரங்கேறியுள்ளது. ஏரோஃப்ளாட் நிறுவனத்திற்குச் சொந்தமான விமானத்தைப் பிடிக்க தாமதமாக வந்த இரண்டு பெண் பயணிகள், விமானத்தைத் தவறவிட்ட விரக்தியில் ரன்வே மற்றும் விமானங்கள் நிற்கும் பாதுகாக்கப்பட்ட ‘ஏப்ரன்’ பகுதிக்குள் திடீரென ஓடிச் சென்றுள்ளனர். இதில் ஒரு பெண் தனது சூட்கேஸை இழுத்துக்கொண்டே, ஏற்கனவே இழுத்துச் செல்லப்பட்டுக்கொண்டிருந்த விமானத்தை நோக்கி ஓடியதால், அசம்பாவிதங்களைத் தவிர்க்கும் பொருட்டு விமானத்தை நகர்த்தும் பணி உடனடியாக நிறுத்தப்பட்டது.

Visuals: Missed Flight Turns Into Airport Security Breach at Moscow’s Sheremetyevo Airport

Two passengers who reportedly arrived late for their Aeroflot flight at Moscow’s Sheremetyevo International Airport took matters into their own hands on July 25, running onto the airport… pic.twitter.com/3mBKW1SvW3— FL360aero (@fl360aero) August 8, 2026

விமான நிலையத் தரைக்கட்டுப்பாட்டு ஊழியர்களும் காவல்துறையினரும் விரைந்து செயல்பட்டு, அந்த இரு பெண்களையும் தடுத்து நிறுத்தி ஏப்ரன் பகுதியிலிருந்து பாதுகாப்பாக அப்புறப்படுத்தினர். தற்போது இணையத்தில் வைரலாகி வரும் இந்த வீடியோ, பயணிகளிடையே அதிர்ச்சியை ஏற்படுத்தியுள்ளது. இயங்கிக்கொண்டிருக்கும் விமானங்கள், தரையிறங்கும் வாகனங்கள் மற்றும் ஜெட் என்ஜின்கள் இயங்கும் பகுதியில் தடையின்றி நுழைவது மிகப்பெரிய ஆபத்தை விளைவிக்கும் என்பதால், இது தீவிர பாதுகாப்பு அத்துமீறலாகக் கருதப்படுகிறது. விமானங்களைத் தவறவிடுவது ஏமாற்றமளிக்கும் ஒன்றாக இருந்தாலும், உயிரைப் பணயம் வைத்து ரன்வே பகுதிக்குள் ஓடுவது அச்சுறுத்தலானது என்பதை இச்சம்பவம் உணர்த்துகிறது.