“என்னை வீட்டுக்கு அனுப்புங்க… அப்பாவுக்கு போன் பண்ணனும்..!” திருமண இரவில் மணமகளைக்ளை கொன்றுவிட்டு கொலையாளி போட்ட டிராமா… போலிசாரை அதிரவைத்த பகீர் வீடியோ..!!!

2023-ஆம் ஆண்டு அமெரிக்காவின் தென் கரோலினாவில், திருமண வரவேற்பு முடிந்து கோல்ஃப் வண்டியில் மகிழ்ச்சியாகச் சென்ற புதுமணத் தம்பதிகள் மீது, மதுபோதையில் கார் மோதி கோர விபத்து ஏற்படுத்திய ஜேமி லீ கொமோரோஸ்கி என்ற பெண்ணின் காவல் நிலையக் காட்சிகள் புதிதாக வெளியாகி பெரும் அதிர்ச்சியை ஏற்படுத்தியுள்ளன. 27 வயதான கொமோரோஸ்கி, மணிக்கு 25 மைல் வேகம் மட்டுமே செல்ல வேண்டிய பகுதியில், சட்டப்பூர்வ வரம்பை விட 3 மடங்கு அதிக மதுபோதையில், 65 மைல் வேகத்தில் காரை ஓட்டி வந்து இந்த விபத்தை ஏற்படுத்தியுள்ளார். இக்கோர சம்பவத்தில் 34 வயதான புதுப்பெண் சமந்தா சம்பவ இடத்திலேயே பரிதாபமாக உயிரிழந்தார்; அவரது கணவர் ஏரிக் மற்றும் உடனிருந்தவர்கள் படுகாயமடைந்தனர்.

Now: Bodycam shows drunk driver Jamie Lee Komoroski, 27, whining “Can I just go home?” after killing bride Samantha Hutchinson in 2023 Folly Beach crash. Speeding 65 in a 25 with 3x legal BAC. Serving 25 years. pic.twitter.com/VEsg4Mknt6— Uncover Report (@UncoverReport) August 7, 2026

ஃபோலி பீச் காவல் நிலையத்தில் கைகளில் விலங்கிடப்பட்டு அமர வைக்கப்பட்டிருந்த கொமோரோஸ்கி, தான் செய்த குற்ற உணர்ச்சியோ அல்லது ஒரு உயிரைப் பறித்துவிட்டோம் என்ற சோகமோ இன்றி நடந்துகொண்ட காட்சிகள் வைரலாகி வருகின்றன. “நான் என்ன தவறு செய்தேன்? என்னை வீட்டிற்குச் செல்ல விடுங்கள், என் தந்தையைத் தொடர்புகொள்ள வேண்டும்” என்று அதிகாரிகளிடம் தொடர்ந்து புலம்பிய அவர், தனது குற்றத்தை முற்றிலும் மறுத்துள்ளார். மேலும், அங்கிருந்த கேமராவைப் பார்த்து அதிகாரிகள் மீது புகார் கூறியதுடன், “நான் ஒரு சின்னக் குழந்தையைப் போல நடந்துகொள்கிறேன்” என்று கூறி தன் சொந்த நடத்தையைக் கேலி செய்யும் விதமாகப் பேசியது பார்ப்போரை முகம் சுளிக்க வைத்துள்ளது.

திருமண இரவிலேயே புதுப்பெண்ணின் உயிரைப் பறித்து, ஒரு குடும்பத்தின் மகிழ்ச்சியையே சீரழித்த இந்தச் சம்பவத்தில், கொமோரோஸ்கி மீது கவனக்குறைவான கொலை மற்றும் கடுமையான குடிபோதை வாகனம் ஓட்டுதல் உள்ளிட்ட குற்றச்சாட்டுகள் நிரூபிக்கப்பட்டன. நீதிமன்ற விசாரணையின் முடிவில், தனது குற்றங்களை ஒப்புக்கொண்ட அவருக்கு 25 ஆண்டுகள் சிறைத்தண்டனை விதித்து நீதிமன்றம் தீர்ப்பளித்தது. விபத்து நடந்த நேரத்தில் அவர் காட்டிய அலட்சியமும், காவல் நிலையத்தில் பொறுப்பற்ற முறையில் நடந்துகொண்ட விதமும் இணையத்தில் கடுமையான கண்டனங்களை எதிர்கொண்டு வருகிறது.