“ஒரு குழந்தை மடியில், இன்னொரு குழந்தை கையில்..!” வெயிலையும் பொருட்படுத்தாமல் ஆசிரியை செய்த அந்த உன்னதக் காரியம்.. நாடு முழுவதும் குவியும் பாராட்டுக்கள்..!!

அசாம் மாநிலத்தைச் சேர்ந்த ரூமி தேகா என்ற பள்ளி ஆசிரியை, 2027-ஆம் ஆண்டிற்கான மக்கள் தொகை கணக்கெடுப்பு பணியின் போது தனது இரட்டை பெண் குழந்தைகளையும் உடன் அழைத்துச் சென்ற வீடியோ இணையத்தில் வெளியாகி மக்களின் பெரும் பாராட்டுகளைப் பெற்று வருகிறது. வீடுகளுக்குச் சென்று விபரங்களைச் சேகரிக்கும் இக்களப்பணியின் போது, அவர் ஒரு குழந்தையைத் தனது மடியிலும், மற்றொரு குழந்தையின் கையைப் பிடித்துக் கொண்டும் வெயிலையும் பொருட்படுத்தாமல் கடமையாற்றிய நெகிழ்ச்சியான காட்சி அந்த வீடியோவில் இடம்பெற்றுள்ளது. இக்களப்பணிக்கு எவ்வளவு நேரம் ஆகும் என்று தெரியாததாலும், வேறு வழியில்லாததாலும் தான் குழந்தைகளைத் தன்னுடன் அழைத்து வர வேண்டியிருந்தது என்று அந்த ஆசிரியை விளக்கியுள்ளார்.

https://www.instagram.com/reel/DcajSUMJRnQ/?utm_source=ig_embed&ig_rid=A9jlS4pWdiI6CL6ALX98sCV

இந்த வீடியோ சமூக ஊடகங்களில் வைரலாகி விவாதத்தைக் கிளப்பிய நிலையில், அவரது கணவர் இப்பதிவு குறித்து ஒரு தெளிவான விளக்கத்தை அளித்துள்ளார். தனது மனைவியின் பள்ளிப் பணியும், மக்கள் தொகை கணக்கெடுப்புப் பணியும் வெவ்வேறானவை என்றும், ஒரு சிறிய வீடியோவை மட்டும் பார்த்துவிட்டு அவரது ஒட்டுமொத்த சூழ்நிலையையும் யாரும் தவறாக எடைபோட வேண்டாம் என்றும் அவர் கேட்டுக்கொண்டுள்ளார். மேலும், காகிதப் பயன்பாட்டிற்குப் பதிலாக மொபைல் செயலிகள் மூலம் டிஜிட்டல் முறையில் நடத்தப்படும் இந்தியாவின் இந்த முதலாவது 2027 டிஜிட்டல் மக்கள் தொகை கணக்கெடுப்புப் பணியில், அடிமட்டத்தில் உழைக்கும் இத்தகைய ஊழியர்களின் அர்ப்பணிப்பை இந்த வீடியோ வெளிச்சம்போட்டுக் காட்டியுள்ளதாக நெட்டிசன்கள் பாராட்டி வருகின்றனர்.