“திக் திக் திக்.. விமானம் தரையிறங்கியதும் பவர் பேங்க் வெடித்து பற்றிய அசுரத் தீ..!” பயணிகள் கதறிய அந்தப் பயங்கர நிமிடங்கள்.. வைரலாகும் ஷாக்கிங் வீடியோ..!!

லாங்சோவிலிருந்து குயியாங்கிற்குப் பயணித்த சைனா ஈஸ்டர்ன் ஏர்லைன்ஸ் நிறுவனத்திற்குச் சொந்தமான விமானம், குயியாங் லாங்டாங்பாவோ சர்வதேச விமான நிலையத்தில் வெற்றிகரமாகத் தரையிறங்கிய சிறிது நேரத்தில், பயணிகளின் கைப்பை வைக்கும் மேல் பகுதியில் இருந்த பவர் பேங்க் பேட்டரியில் திடீரெனத் தீ விபத்து ஏற்பட்டது. விமானம் ஓடுதளத்திலிருந்து முனையத்தை நோக்கி மெதுவாகச் சென்று கொண்டிருந்த வேளையில், மேல் பெட்டியிலிருந்து திடீரெனப் புகையும் நெருப்பு அலைகளும் வெளிவந்ததால் பயணிகள் மத்தியில் ஒரு நிமிடம் பெரும் பதற்றமும் அச்சமும் நிலவியது.

https://twitter.com/NCz5l/status/2093063478533902634/video/1

இந்த அவசரச் சூழலில், விமான நிலையத்தின் தீயணைப்பு மற்றும் மீட்புக் குழுவினர் சம்பவ இடத்திற்கு விரைந்து வருவதற்கு முன்பாகவே, விமானக் குழுவினரும் பயணிகளும் உடனடியாகச் சாதுரியமாகச் செயல்பட்டனர். அவர்கள் தங்களது அவசரகால பாதுகாப்பு உபகரணங்களைப் பயன்படுத்தி, தீ மேலும் பரவாமல் தடுத்து, மிக விரைவாக அணைத்துக் கட்டுப்பாட்டுக்குள் கொண்டு வந்தனர். இந்தத் தீ விபத்தில் நல்வாய்ப்பாகப் பயணிகளுக்கோ அல்லது விமான ஊழியர்களுக்கோ எந்தவொரு காயமும் ஏற்படவில்லை என்றாலும், விமானப் பயணங்களின் போது லித்தியம்-அயன் பேட்டரிகளைக் கையாள்வதில் இருக்கும் பாதுகாப்பு ஆபத்துகள் குறித்து இச்சம்பவம் மீண்டும் ஒருமுறை உலகளவில் பெரிய விழிப்புணர்வை ஏற்படுத்தியுள்ளது.