“பரீட்சை இருக்குப்பா.. வர முடியாது…” காலையில் தந்தையிடம் இயல்பாகப் பேசிய மகள்… மாலையில் விடுதி அறையில் சடலமாக மீட்பு…! அமேதி நர்சிங் மாணவியின் மர்ம மரணத்தால் கதறும் பெற்றோர்..!!

உத்தரப் பிரதேச மாநிலம் அமேதி மாவட்டத்தில் உள்ள முன்ஷிகஞ்ச் காவல் எல்லைக்குட்பட்ட இந்திரா காந்தி நர்சிங் கல்லூரி விடுதியில், இறுதி ஆண்டு ஜி.என்.எம் மாணவி தீப்தி யாதவ் சந்தேகத்திற்கு இடமான முறையில் தனது விடுதி அறையில் தூக்கில் தொங்கிய நிலையில் சடலமாக மீட்கப்பட்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது. சுல்தான்பூர் மாவட்டம் சைதுல்லாபூர் கிராமத்தைச் சேர்ந்த இவர் குறித்த இத்தகவலைக் கல்லூரி நிர்வாகம் அளித்ததையடுத்து, காவல் துறையினரும் தடயவியல் குழுவினரும் சம்பவ இடத்திற்கு வந்து உடலைக் கைப்பற்றி பிரேதப் பரிசோதனைக்கு அனுப்பி வைத்து தீவிர விசாரணை மேற்கொண்டு வருகின்றனர்.

சம்பவம் நடந்த அன்று காலை சுமார் 11 மணியளவில் தீப்தி தனது குடும்பத்தினருடன் தொலைபேசியில் பேசியுள்ளார். அப்போது தான் தேர்விற்குத் தயாராகி வருவதாகவும், அதனால் வீட்டிற்கு வர இயலாது என்றும் கூறியுள்ளார். அந்த உரையாடலின் போது அவர் இயல்பாகவே பேசியதாகவும், அதன் சிறிது நேரத்திலேயே அவரது மரணச் செய்தி கிடைத்ததால் குடும்பத்தினர் பெரும் அதிர்ச்சியிலும் சோகத்திலும் ஆழ்ந்துள்ளனர்.

மாணவியின் மரணத்தில் சந்தேகம் தெரிவித்துள்ள அவரது குடும்பத்தினர், இது தற்கொலை அல்ல கொலை என குற்றம் சாட்டியுள்ளனர். மேலும், தாங்கள் சம்பவ இடத்திற்கு வருவதற்கு முன்பே காவல்துறை அவசர அவசரமாக உடலைக் கைப்பற்றி பிரேதப் பரிசோதனைக்கு அனுப்பியதாகக் கூறி காவல்துறையின் நடவடிக்கை குறித்தும் கேள்வி எழுப்பியுள்ளனர். இச்சம்பவம் குறித்து நியாயமான விசாரணை நடத்த வேண்டும் என குடும்பத்தினர் கோரிக்கை விடுத்துள்ள நிலையில், பிரேதப் பரிசோதனை அறிக்கை மற்றும் முழுமையான விசாரணைக்குப் பிறகே மரணத்திற்கான உண்மைக்கான காரணம் தெரியவரும் என கௌரிகஞ்ச் காவல்துறை அதிகாரி தெரிவித்துள்ளார்.