“நீதிபதிக்கு என் பெரிய கும்பிடு..!” ரவி மோகன் – ஆர்த்தி வழக்கில் வெளியான முக்கிய தீர்ப்பு..! ஆர்த்தியின் தாய் கண்ணீர் விளக்கம்..!!

பிரபல நடிகர் ரவி மோகன் மற்றும் ஆர்த்தி ஆகியோரின் குடும்ப விவகாரம் தொடர்பான வழக்கு நீதிமன்றத்தில் நடைபெற்று வந்த நிலையில், நீதிமன்றம் அளித்த தீர்ப்பைத் தொடர்ந்து ஆர்த்தியின் தாயார் ஊடகங்களுக்கு உணர்ச்சிப்பூர்வமான கண்ணீர் பேட்டி அளித்துள்ளார். தங்களின் மீது வைக்கப்படும் விமர்சனங்களுக்குப் பதிலளித்த அவர், எந்தவொரு தாயும் தன் பிள்ளைகளைப் பிரிக்க வேண்டும் என்று நினைக்கமாட்டாள் என்றும், சுமார் 10,000 பேரை அழைத்து 10-க்கும் மேற்பட்ட பிரம்மாண்ட நிகழ்ச்சிகளுடன் முறைப்படி திருமணம் நடத்தி வைத்த தாங்கள், அவர்களை ஏன் பிரிக்கப் போகிறோம் என்றும் கண்ணீர் மல்கக் கேள்வி எழுப்பினார்.

தொடர்ந்து பேசிய அவர், இந்த வழக்கு தொடர்பாக நீதிமன்றம் வழங்கிய தீர்ப்பிற்குத் தனது நெஞ்சார்ந்த நன்றியைத் தெரிவித்துக் கொண்டார். நீதிமன்ற உத்தரவின்படி, இந்த மாதம் முதல் ஆர்த்தி, ரவி மோகன் மற்றும் அவர்களின் குழந்தைகளான ஆரவ், அயான் ஆகியோர் மாதத்திற்கு ஒரு முறை சந்தித்துப் பேச வேண்டும் எனக் கூறப்பட்டுள்ளது. இதுவே பெற்றோர்களான தங்களின் ஆசையாக இருந்தது என்றும், “இப்படி ஒரு நல்ல தீர்ப்பைக் கொடுத்ததற்காக அந்த நீதிபதிக்கு எனது பெரிய கும்பிடு” என்றும் நெகிழ்ச்சியுடன் குறிப்பிட்டார்.

ரவி மோகன் – ஆர்த்தி தம்பதியிடையே நிலவி வந்த குடும்பக் கருத்து வேறுபாடுகள் காரணமாகவே இவ்விவகாரம் நீதிமன்றம் வரை சென்றது. இரு தரப்பு வாதங்களையும் கேட்டறிந்த நீதிமன்றம் அண்மையில் இந்த முக்கிய தீர்ப்பை வழங்கிய சூழலில், இத்தீர்ப்பு மூலம் தங்களுக்கு நீதி கிடைத்துள்ளதாகக் கருதும் ஆர்த்தியின் தாயார், தங்கள் குடும்பத்தின் மீதான அவதூறுகளுக்குப் பதிலடி கொடுக்கும் வகையில் இந்த விளக்கத்தை ஊடகங்களிடம் பகிர்ந்துள்ளார்.