BREAKING: “பகல் 12 மணி வரை உதயநிதியை கைது செய்யக் கூடாது..” – காவல்துறைக்கு நீதிபதி அறிவுறுத்தல்… திடீர் திருப்பம்…!!

சென்னை உயர்நீதிமன்றத்தில் திமுக தரப்பில் தாக்கல் செய்யப்பட்ட அவசர முறையீட்டு வழக்கின் ஆரம்பக்கட்ட விசாரணையின் போது, “பகல் 12 மணி வரை எதிர்க்கட்சித் தலைவர் உதயநிதி ஸ்டாலினைத் தமிழக காவல்துறை கைது செய்யக் கூடாது” என்று மாண்புமிகு நீதிபதி அதிரடி அறிவுறுத்தலை வழங்கியுள்ளார். சட்டமன்றக் கூட்டத்தொடர் தொடங்கவிருக்கும் சூழலில் அவரை முடக்கும் நோக்கில் இந்த நள்ளிரவு மற்றும் அதிகாலைக் கைது முயற்சிகள் நடப்பதாக திமுக வழக்கறிஞர்கள் முறையிட்டதை அடுத்து, நீதிமன்றம் இந்த தற்காலிக உத்தரவை பிறப்பித்துள்ளது.

நீதிமன்றத்தின் இந்த அறிவுறுத்தல் வெளியாவதற்கு முன்பே சென்னை நீலாங்கரை இல்லத்தில் வைத்து உதயநிதி ஸ்டாலினைப் போலீசார் கைது செய்துவிட்டதாகத் தகவல்கள் வெளியாகி வரும் நிலையில், இந்த 12 மணி வரை கைது செய்யக் கூடாது என்ற நீதிபதியின் உத்தரவு பெரும் திருப்பத்தை ஏற்படுத்தியுள்ளது. ஏற்கனவே கைது நடவடிக்கை எடுக்கப்பட்டிருந்தால் அவரை உடனடியாக விடுவிக்க வேண்டும் அல்லது நீதிமன்றக் காவல் சட்டபூர்வமாக செல்லாது என திமுக வழக்கறிஞர்கள் மீண்டும் வாதிடத் தொடங்கியுள்ளனர். இந்த அவசர வழக்கின் விரிவான மதிய விசாரணைக்குப் பிறகே, உதயநிதி ஸ்டாலின் மீதான காவல் துறையின் அடுத்தகட்ட நகர்வுகள் என்ன என்பது தெளிவாகத் தெரியும்.