“இதுக்கு மேல அவமானம் வேண்டுமா..?” சட்டசபையில் சோக நாடகமா..? முன்னாடியே எச்சரித்தும் கேட்கல.. முதல்வர் விஜய்யை கிழித்தெடுத்த முரசொலி..!!

காவிரி நீர் உரிமைப் பிரச்சினையைத் தீர்க்கக் கர்நாடகா சென்று பேச்சுவார்த்தை நடத்த முதலமைச்சர் விஜய் மேற்கொண்ட முயற்சி, தமிழக அரசியல் களத்தில் பெரும் விவாதத்தைக் கிளப்பியுள்ளது. சட்டப்பேரவைக் கூட்டத்தொடரில் உரையாற்றிய விஜய், தமிழக மக்களின் நலனுக்காகத் தானாக முன்வந்து கர்நாடகா சென்றதாகவும், அதற்காக ஏற்படும் எத்தகைய அவமானங்களையும் தாங்கிக்கொள்ளத் தயார் என்றும் தெரிவித்திருந்தார். இருப்பினும், அவரது இந்த நடவடிக்கையைக் கடுமையாக விமர்சித்து திமுகவின் அதிகாரப்பூர்வ நாளேடான ‘முரசொலி’ காரசாரமான தலையங்கத்தை வெளியிட்டுள்ளது.

கர்நாடக முதல்வர் டி.கே. சிவக்குமார் இதுகுறித்துப் பகிரங்கமாகப் பேசிய பின்னரே விஜய்யின் பேச்சுவார்த்தை முயற்சி வெளியுலகிற்குத் தெரியவந்ததாகச் சுட்டிக்காட்டியுள்ள முரசொலி, உண்மை விவரங்களைத் தமிழக மக்களிடம் அவர் வெளிப்படையாகத் தெரிவிக்கவில்லை எனக் குற்றம்சாட்டியுள்ளது. எதிர்க்கட்சித் தலைவர் மு.க. ஸ்டாலின் மற்றும் விவசாய அமைப்புகள் முன்கூட்டியே எச்சரித்தும் விஜய் பிடிவாதமாகச் சென்று, அங்கு எதிர்பார்த்த பலன் கிடைக்காததால் தற்போது சட்டமன்றத்தில் சோக நாடகம் ஆடுவதாகவும் சாடியுள்ளது.

அத்துடன், கர்நாடகாவில் கன்னட அமைப்புகளின் தீவிர எதிர்ப்பு, விஜய்யின் உருவப்பொம்மை எரிப்பு, அவரது ‘ஜனநாயகன்’ திரைப்பட விளம்பரப் பேனர்கள் கிழிப்பு மற்றும் திரையரங்கக் காட்சிகள் ரத்து போன்ற தொடர் பின்னடைவுகளைச் சந்தித்த பிறகும், அவற்றை எல்லாம் தமிழக மக்களுக்காகவே தாங்கியதாக விஜய் கூறுவது குறித்து முரசொலி பல கேள்விகளை எழுப்பி கடுமையான விமர்சனங்களை முன்வைத்துள்ளது.