காலையிலேயே EPS க்கு ஷாக்..! அதிமுகவிலிருந்து தவெகவிற்கு தாவும் 25 எம்.எல்.ஏ-க்கள்..? தமிழக அரசியலை உலுக்கும் அமைச்சர் செங்கோட்டையனின் அதிரடி வாக்குமூலம்..!!

தமிழக அரசியல் களத்தில் தற்போதைய ஹாட் டாபிக் தமிழக வெற்றிக் கழகத்தின் முக்கிய நிர்வாகியும், தமிழக அமைச்சருமான கே.ஏ.செங்கோட்டையன் ஈரோடு கோபிசெட்டிபாளையத்தில் பேசிய கருத்துகள்தான். அதிமுகவின் தற்போதைய பலவீனமான நிலையைப் பார்த்து, அக்கட்சியைச் சேர்ந்த 10 சட்டமன்ற உறுப்பினர்கள் உடனடியாக தவெகவில் இணையத் தயாராக இருக்கிறார்கள் என்றும், வரும் நாட்களில் இந்த எண்ணிக்கை மொத்தமாக 25 ஆக உயரக்கூடும் என்றும் அவர் அதிரடியாகக் குறிப்பிட்டுள்ளார்.

அதிமுகவில் பல தசாப்தங்களாகப் பயணித்து, தற்போது தவெகவில் முக்கியப் பொறுப்பு வகிக்கும் செங்கோட்டையனின் இந்த அறிவிப்பு, பிரதான எதிர்க்கட்சியான அதிமுகவிற்குள் பெரும் அதிர்வலைகளை ஏற்படுத்தியுள்ளது. அதிமுகவின் உட்கட்சிப் பூசல்கள் மற்றும் தலைமை மீதான அதிருப்தி காரணமாக, இரண்டாம் கட்டத் தலைவர்களும், தற்போதைய எம்.எல்.ஏ-க்களும் நடிகர் விஜய்யின் தவெகவை நோக்கி ஈர்க்கப்பட்டு வருவதாக அவர் சுட்டிக்காட்டியுள்ளார். எதிர்காலத்தில் அதிமுகவில் தொண்டர்கள் இன்றி “தலைவர்கள் மட்டுமே எஞ்சியிருக்கும்” ஒரு சூழல் உருவாகும் என்றும் அவர் மறைமுகமாக விமர்சித்துள்ளார்.

இந்த விவகாரம் தமிழக தேர்தல் அரசியலில் புதிய சமன்பாடுகளை உருவாக்கியுள்ளது. சட்டமன்றத் தேர்தலுக்குப் பிந்தைய தவெகவின் அசுர வளர்ச்சி மற்றும் அதிமுகவின் வாக்கு வங்கியைத் தன்பக்கம் இழுக்கும் வியூகம் ஆகியவை இதன் மூலம் வெளிப்படுவதாக அரசியல் விமர்சகர்கள் கருதுகின்றனர். செங்கோட்டையனின் இந்தத் தொடர் அதிரடிப் பேச்சுக்கள், அதிமுக கூடாரத்தைக் கலங்கடித்துள்ளதோடு, தமிழகத்தின் அடுத்தகட்ட அரசியல் நகர்வுகள் தவெகவை சுற்றியே சுழலப் போகிறது என்பதையும் தெளிவுபடுத்தியுள்ளது.