“பதவியே வேண்டாம் போங்க” உட்கட்சி மோதலால் டென்ஷனான திருமா எடுத்த அதிரடி முடிவு… விசிக தொண்டர்கள் அதிர்ச்சி…!!

தமிழக வெற்றிக் கழகம் தலைமையிலான ‘மக்களுக்கான ஜனநாயகக் கூட்டணி’ ஆட்சியில், விடுதலைச் சிறுத்தைகள் கட்சி சார்பாக வன்னி அரசு அமைச்சராகப் பொறுப்பு வகித்து வருகிறார். இந்நிலையில், விசிகவிற்கு அமைச்சர் பதவியுடன் கூடுதலாக ஒரு வாரியத் தலைவர் பதவியையும் வழங்க தவெக தலைமை முன்வந்துள்ளது. இந்த கூடுதல் பதவியை விசிகவில் யாருக்கு வழங்குவது என்பது தொடர்பாகக் கட்சிக்குள் கடுமையான அதிகாரப் போட்டி ஏற்பட்டு, தற்போது உட்கட்சி மோதலாக வெடித்துள்ளது.

இந்த வாரியத் தலைவர் பதவிக்கு, விசிகவைச் சேர்ந்த மற்றொரு அமைச்சரான ஆதவ் அர்ஜுனா ஒரு நபரின் பெயரைப் பரிந்துரைக்க, அமைச்சர் வன்னி அரசு தமக்கு நெருக்கமான வேறொரு பெயரைப் பரிந்துரைத்துள்ளார். ஆனால், அமைச்சர்களின் பரிந்துரைகளை ஏற்காத விசிக தலைவர் தொல். திருமாவளவன், தனது தரப்பிலிருந்து கட்சியின் முக்கிய நிர்வாகியான சிந்தனை செல்வனின் பெயரை அதிரடியாக முன்மொழிந்துள்ளார். இதனால், அமைச்சர் வன்னி அரசு மற்றும் சிந்தனை செல்வன் ஆகிய இருவரின் ஆதரவாளர்களிடையே கட்சியில் நேரடி மோதல் போக்கு உருவாகியுள்ளது.

கட்சிக்குள் பதவியைக் கைப்பற்ற இவ்வளவு பெரிய முட்டல் மோதல்கள் நிலவி வருவதால் அதிருப்தியடைந்த விசிக தலைவர் திருமாவளவன், தற்போதைக்கு இந்த கூடுதல் வாரியத் தலைவர் பதவியே நமக்கு வேண்டாம் என்று தவெக தலைமையிடம் கூறிவிட்டதாகத் தகவல் வெளியாகியுள்ளது. தலைவரின் இந்த திடீர் முடிவால், எப்படியாவது தங்களுக்கு வாரியத் தலைவர் பதவி கிடைக்கும் என எதிர்பார்த்துக் காத்திருந்த விசிகவின் இரண்டாம் கட்டத் தலைவர்கள் மற்றும் தொண்டர்கள் பெரும் அதிர்ச்சியும் ஏமாற்றமும் அடைந்துள்ளனர்.