BREAKING: 7 முதல் 16 வயது சிறுமிகளுடன்.. வீரமணியின் அதிர்ச்சி வீடியோக்கள்.. போலீஸ் அதிரடி..!!

போக்சோ வழக்கில் கைதாகி சிறையிலிருக்கும் பிரபல கிரானைட் தொழிலதிபர் ஜெம் வீரமணியிடம் சென்னை மத்திய குற்றப்பிரிவு போலீஸார் நடத்தி வரும் விசாரணையில் அடுத்தடுத்து அதிர்ச்சியூட்டும் தகவல்கள் வெளியாகி வருகின்றன. இவர் தனது சொகுசு பங்களா உள்ளிட்ட இடங்களில் 7 முதல் 16 வயது வரையிலான சிறுமிகளைப் பாலியல் வன்கொடுமை செய்ததாகக் கூறப்படும் வீடியோக்கள் மற்றும் புகைப்பட ஆதாரங்கள் போலீஸாரால் கைப்பற்றப்பட்டுள்ளன. இந்தச் சிறுமிகளை வீரமணியிடம் அழைத்துச் சென்று, பின்னர் அந்த வீடியோக்களைக் காட்டி அவரிடம் சாந்தி, கணேசன் உள்ளிட்டோர் பல கோடி ரூபாய் பணப் பறிப்பில் ஈடுபட்டு வந்ததும் விசாரணையில் அம்பலமாகியுள்ளது.

இந்தக் கொடூர விவகாரம் தொடர்பாக ஜெம் கிரானைட்ஸ் நிறுவனர் வீரமணி, அவரது கூட்டாளிகளான சாந்தி, மகேந்திர சிம்மன் மற்றும் தற்போதைய புதிய திருப்பமாக, சிறுமியின் ஆபாச வீடியோவை மொபைலில் மறைத்து வைத்திருந்த முன்னாள் ஊழியர் கணேசன் உள்ளிட்ட 4 பேர் இதுவரை கைது செய்யப்பட்டுள்ளனர். இக்குற்றச்சாட்டுகள் தொடர்பாகத் தீவிர விசாரணை நடைபெற்று வரும் நிலையில், இவ்வழக்கில் தொடர்புடைய மற்றும் உண்மைகளை மறைக்க முயன்ற அனைவர் மீதும் மிகக் கடுமையான சட்டப்பூர்வ நடவடிக்கை எடுக்குமாறு தமிழக முதலமைச்சர் விஜய் காவல்துறைக்கு அதிரடி உத்தரவு பிறப்பித்துள்ளார்.